«دارىن» مەملەكەتتىك جاستار سىيلىعىنا ۇمىتكەرلەردىڭ قۇجاتتارىن قابىلداۋ باستالدى. بۇل پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ءمالىم بولدى.
مەملەكەتتىك جاستار سىيلىعىنىڭ يەگەرى اتانۋدىڭ بيىلعى تالابى تۋرالى اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ ايتىپ بەردى.
«2021 جىلعى 20 مامىردا «دارىن» مەملەكەتتىك جاستار سىيلىعىنا ۇمىتكەرلەردىڭ قۇجاتتارىن قابىلداۋ باستالدى. بارلىق تالانتتى جاستى اتالعان بايقاۋعا قاتىسۋعا شاقىرامىز. وتىنىمدەردى قابىلداۋ 10 تامىزعا دەيىن جۇرگىزىلەدى. تولىق مالىمەت اقپارات جانە قوعامدىق دامۋ مينيسترلىگىنىڭ رەسمي سايتىندا جاريالانعان. «دارىن» سىيلىعىنا ۇمىتكەرلەرگە قويىلاتىن نەگىزگى تالاپ – سىيلىق الۋعا وتىنىمدەردى قابىلداۋ اياقتالعانعا دەيىن جاسى 29-عا تولماعان بولۋى كەرەك. ۇمىتكەر جاستاردى ورتالىق, جەرگىلىكتى مەملەكەتتىك ورگاندار, وقۋ ورىندارى, شىعارماشىلىق ۇيىمدار مەن قوعامدىق بىرلەستىكتەر ۇسىنا الادى», دەدى مينيسترلىك وكىلى.
ونىڭ ايتۋىنشا, سىيلىق اياسىندا بەرىلەتىن نوميناتسيا ءتىزىمى وزگەرىسسىز قالعان. «بايقاۋ ادەبيەت, عىلىم, ديزاين جانە بەينەلەۋ ونەرى, جۋرناليستيكا, كلاسسيكالىق مۋزىكا, قوعامدىق قىزمەت, سپورت, تەاتر جانە كينو, ەسترادا, حالىق شىعارماشىلىعى سىندى 10 نوميناتسيا بويىنشا وتەدى. وزدەرىڭىزگە بەلگىلى, «دارىن» مەملەكەتتىك جاستار سىيلىعى بايقاۋىنا تالانتتى, شىعارماشىلىق, حالىقارالىق جانە رەسپۋبليكالىق كونكۋرستار مەن فەستيۆالداردىڭ, ءتۇرلى شارالاردىڭ لاۋرەاتتارى, رەسپۋبليكالىق جانە حالىقارالىق دەڭگەيدەگى سپورتتىق جارىستاردىڭ جۇلدەگەرلەرى مەن جەڭىمپازدارى, سونداي-اق ءتۇرلى قالالاردا قوعامدى دامىتۋعا سۇبەلى ۇلەس قوسىپ جۇرگەن قازاقستان رەسپۋبليكاسىنىڭ 29 جاسقا دەيىنگى ازاماتتارى قاتىسا الادى. بۇگىنگە دەيىن 294 ادام «دارىن» مەملەكەتتىك جاستار سىيلىعىنىڭ يەگەرى اتاندى», دەدى شاحماردان بايمانوۆ.
بريفينگكە Nur Otan پارتياسى جانىنداعى Jas Otan جاستار قاناتىنىڭ توراعاسى نۇرجان جەتپىسباەۆ تا قاتىستى. جاستار سىيلىعىنىڭ لاۋرەاتى رەتىندە ماراپاتتىڭ ارتىقشىلىقتارىنا توقتالدى.
«مەن «دارىن» سىيلىعىنىڭ يەگەرى بولۋ ۇلكەن جاۋاپكەرشىلىكتى تالاپ ەتەدى دەپ سانايمىن. ويتكەنى مۇندا ۇزدىكتەر تاڭدالادى. تيىسىنشە ءاربىر جەڭىمپاز وسكەلەڭ ۇرپاققا ۇلگى بولۋى ءتيىس. كونكۋرسقا قاتىسۋعا نيەت بىلدىرگەندەردىڭ سانى جىلدان-جىلعا ارتىپ كەلەدى, بۇل جاستار اراسىنداعى باسەكەلەستىكتىڭ وسكەنىن ايعاقتايدى. مۇنداي ءۇردىس, شىن مانىندە, قۋانتادى. وزدەرىنە, وزدەرىنىڭ يگى ىسىنە, داعدىسى مەن بىلىمىنە سەنەتىن بارلىق جاستى ءوتىنىش ءبىلدىرىپ, كونكۋرسقا قاتىسۋعا شاقىرامىن», دەدى سپيكەر.
نۇرجان جەتپىسباەۆتىڭ ايتۋىنشا, ۇمىتكەر ۇسىناتىن قۇجات توپتاماسى كوپ ەمەس. جەكە كۋالىكتىڭ كوشىرمەسى, تىركەۋ ءوتىنىمى, قولداۋحات جانە جەتىستىكتەر تۋرالى انىقتاما, ماراپاتتاۋ ديپلومدارىنىڭ, گراموتالاردىڭ, العىس حاتتاردىڭ كوشىرمەلەرى, كانديداتتىڭ نەمەسە كانديدات تۋرالى ماقالالاردىڭ, جاريالانىمداردىڭ كوشىرمەلەرى, كانديداتتىڭ جەتىستىكتەرىن راستايتىن وزگە دە ماتەريالدار تالاپ ەتىلەدى ەكەن.
ءوز سالاسىندا توپ جارعاندارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلىپ, ديپلوم, توسبەلگى جانە اقشالاي سىياقى تاپسىرىلادى.
ال بيىلدان باستاپ «مەرەيلى وتباسى» ۇلتتىق كونكۋرسى بۇرىنعىدان وزگەشە تارتىپپەن وتەدى. بيىل جەتىنشى رەت وتكىزىلەتىن بايقاۋدىڭ شارتىن ورتالىق كوممۋنيكاتسيالار قىزمەتىندە وتكەن بريفينگتە پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا توراعاسىنىڭ ورىنباسارى ءلاززات سۇلەيمەن ايتىپ بەردى.
«التى جىلدا «مەرەيلى وتباسى» كونكۋرسىنا 15 197 وتباسى قاتىسقان. ونىڭ 62 پايىزى اۋىلدىق جەرلەردە تۇرادى, بۇل كونكۋرس اۋقىمىنىڭ كەڭ ەكەنىن كورسەتەدى. قاتىسۋشىلاردىڭ 36,3%-ى – كوپبالالى وتباسى, 18%-ى – جاس وتباسى, 17%-ى – ەڭبەك اۋلەتتەرىنىڭ وكىلدەرى. بيىل ەل تاۋەلسىزدىگىنە 30 جىل تولادى. وسىعان وراي ەلىمىزبەن بىرگە ءوسىپ كەلە جاتقان وتباسى قۇرىپ, بالالى بولعان «تاۋەلسىزدىك قۇرداستارىن» دا بايقاۋعا قاتىسۋعا شاقىرامىز. ولار جاس وتباسى, ۇلگىلى وتباسى بولۋ ۇلگىسىن قوعامعا كورسەتە الادى», دەدى ءلاززات سۇلەيمەن.
– قازاقستان – وتباسى ساياساتىن تاباندى جۇرگىزىپ كەلە جاتقان مەملەكەت. وتباسىنىڭ ءال-اۋقاتىن جاقسارتۋ, انا مەن بالانىڭ قۇقىعىن قورعاۋ, دەموگرافيالىق ءوسۋدى ىنتالاندىرۋ جانە كوپبالالى وتباسىلاردى قولداۋ ماسەلەلەرى ءاردايىم نازاردا. بۇعان دالەل رەتىندە ۇلتتىق بيۋدجەتتىڭ 48%-ى الەۋمەتتىك سالاعا بولىنەتىنىن ايتا كەتۋ كەرەك, – دەدى سپيكەر.
اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ جاڭا ەرەجەلەردى تانىستىردى.
«بيىل ۇكىمەت قاۋلىسىمەن «مەرەيلى وتباسى» ۇلتتىق كونكۋرسىن وتكىزۋدىڭ جاڭا قاعيدالارى بەكىتىلدى. ول بويىنشا كونكۋرستى تانىمال ەتۋ جانە ۇمىتكەرلەردىڭ سانىن ۇلعايتۋ ءۇشىن وتىنىمدەردى وتباسىنىڭ وزدەرىنەن باسقا, جەرگىلىكتى اتقارۋشى ورگاندار جانە زاڭدى تۇلعالار ەنگىزە الادى. وڭىرلىك كەزەڭنىڭ بارلىق جەڭىمپاز وتباسىسىن ەڭبەك, سپورت, شىعارماشىلىق, زياتكەرلىك, عىلىمي جەتىستىكتەرىنە ساي, رەسپۋبليكالىق دەڭگەيدە ءبىر وتباسىن عانا تاڭداماي, بارلىق 17 وتباسىنا كونكۋرس لاۋرەاتى اتاعىن بەرۋ تۋرالى شەشىم قابىلداندى. كونكۋرس ءادىل ءارى اشىق ءوتۋى ءۇشىن وڭىرلىك كوميسسيالاردىڭ قۇرامىنا ازاماتتىق قوعام وكىلدەرى, وتكەن جىلدارداعى جەڭىمپازداردى قوسۋ كوزدەلگەن. كوميسسيا وتىرىستارى جەرگىلىكتى اتقارۋشى ورگانداردىڭ ينتەرنەت رەسۋرستارىندا جانە الەۋمەتتىك جەلىدەگى رەسمي پاراقشالارىندا ونلاين كورسەتىلىم ارقىلى وتەدى», دەدى كوميتەت توراعاسى.
كونكۋرسقا قاتىسۋعا ۇمىتكەرلەر وتىنىمدەرىن جەرگىلىكتى كوميسسيالارعا 15 ماۋسىمعا دەيىن جولداي الادى. كونكۋرس لاۋرەاتتارىن سالتاناتتى ماراپاتتاۋ ءراسىمى قىركۇيەك ايىنىڭ ەكىنشى جەكسەنبىسى – وتباسى كۇنى مەرەكەسى قارساڭىندا وتەدى.