بالالار لاگەرى دايىندىققا كىرىستى

– وقۋشىلاردىڭ جازعى دەمالىسىن ۇيىمداستىرۋعا دايىندىق  جۇمىستارى ءجۇ­رىپ جاتىر. وبلىستا قالا سىرتىنا ورنالاسقان 10 شاق­تى بالالار لاگەرى بار. ولار قازىر دەمالىس ورنىنىڭ اۋماعىن تازار­تىپ, ماڭايىنداعى سۋ قوي­مالارىنىڭ جاعالاۋ­لارىن جونگە كەلتىرۋدە. قازىر با­لالاردىڭ جازعى دەمالى­سىن ۇيىمداستىراتىن مە­كە­مە­لەردىڭ ءبارى مەم­لەكەت­تىك ساتىپ الۋعا قاتى­سىپ, سانيتارلىق-ەپي­دەميالىق­ رۇقسات الۋ جۇمىس­تا­رىن جۇر­گىزىپ جاتىر, – دەدى وب­لىستىق ءبىلىم باس­قارما­سى­نىڭ ءباسپاسوز حاتشىسى اننا لازارەۆا. 

تۇپتەپ كەلگەندە, با­لالارعا ارنالعان ساۋىق­تىرۋ لاگەرلەرىنىڭ جۇمىس ىستەۋ, ىستەمەۋى وڭىردەگى ەپي­­­دەميالىق جاعدايعا باي­لانىستى بولايىن دەپ تۇر. ناقتى قاي دەمالىس ورنىنىڭ قالاي جۇمىس ىستەيتىنىن وڭىرلىك جەدەل شتاب شەشەدى. ا.لا­زا­رەۆا­نىڭ سوزىنشە, الداعى اي­دا ينتەرنات مە­كەمەلەرى مەن ەرەكشە ءبىلىم بەرۋ قا­جەتتىلىگى بار بالالار ءۇشىن 4 دەمالىس ورنى اشىلادى. بۇلار – «التىنگۇل», «لەسنايا سكازكا», «بولاشاق» جانە باكىروۆ اتىنداعى لاگەرلەر. بۇل ساۋىقتىرۋ ورىندارىندا ءبىر اۋىسىم­نىڭ وزىندە 640-تان استام بالا دەمالاتىن بولادى.

ال قاتارداعى مەكتەپ وقۋشى­لارى قالعان 6 لاگەردە دەمالادى. بىراق ولار جۇمىسقا كىرىسپەس بۇ­رىن بەلگىلى ءبىر تالاپتار­دى ورىنداۋى شارت. مى­سا­لى, مۇنداي دەمالىس ورىن­دارىنىڭ بى­رىنە شامامەن ەكى جۇزدەي بالا سىياتىن بولسا, لاگەر مەكەمەسى سونىڭ جارتىسىن عانا قابىلداۋى ءتيىس. سونداي-اق لاگەرگە جازعى دەمالىسىن وتكىزۋ ءۇشىن كەلگەن ءار بالانىڭ دەنساۋلىق جاعدايى تۋرالى قۇجاتى, جۇقپالى اۋرۋى بارلارمەن, سونىڭ ىشىندە COVID-19 جۇقتىرعاندارمەن بايلانىستا بولماعانىن راستايتىن انىق­تاماسى بولۋى كەرەك. ەڭ باستىسى, جاز­عى لاگەردە دەمالعىسى كە­لەتىن بالعىنداردا زەرتحا­نادان «تالداۋ ناتيجەسى كو­روناۆيرۋسقا تەرىس ناتي­جە كورسەتتى» دەگەن زەرت­حا­نالىق قۇجاتى بولۋى شارت. بۇل قۇجاتتىڭ مەرزىمى 72 سا­عات­تان اسىپ كەتسە, جارامسىز بولىپ قالادى. 

ال مەكتەپ جانىنداعى دەما­لىس ورىندارىنىڭ بيىل جۇ­مىس ىستەۋ-ىستەمەۋى ەكىتالاي.  ءبى­لىم باس­قار­ماسىنداعىلار بۇل­ ماسە­لەنىڭ تاياۋ كۇندەرى شەشى­لەتىنىن ايتتى.