قىزىلوردا وبلىسى سىرداريا اۋدانىنا قاراستى اسقار توقاماعامبەتوۆ اتىنداعى اۋىلدا «اسقار توقماعامبەتوۆ جەر» جشس ۇلەسكەرلەرىنىڭ ەكى توبى اراسىندا ولاردىڭ ءبىر بولىگىنىڭ سەرىكتەستىك قۇرامىنان شىعۋ تۋرالى شەشىمگە بايلانىستى جانجال تۋىندادى, دەپ حابارلايدى Egemen.kz.
Nur Otan پارتيالىق باقىلاۋ كوميتەتىنىڭ اقپاراتىنا سۇيەنسەك, قازىرگى ۋاقىتتا بۇل داۋ شيەلەنىسىپ, الەۋمەتتىك سيپات العان. اتاپ ايتقاندا ۇلەسكەرلەر مەن كومپانيا وكىلدەرى اراسىندا قاقتىعىستار ورىن الدى. جەرگىلىكتى اتقارۋشى ورگاندار تاراپىنان ءتيىستى شارالار قابىلدانباعانى ايتىلدى.
«اۋدان اكىمى, پارتيا فيليالىنىڭ توراعاسى اتالعان ماسەلەنى شەشۋدە ارەكەتسىزدىك تانىتتى. وسىعان بايلانىستى, شيەلەنىستى جاعدايدىڭ ءالى دە جالعاسىپ جاتقانىن جانە ءتيىستى شارالاردىڭ قابىلدانباۋىن ەسكەرە وتىرىپ, وبلىستىق پارتيالىق باقىلاۋ كوميسسياسى سىرداريا اۋداندىق پارتيا فيليالىنىڭ توراعاسى, اۋدان اكىمى تالعات دۇيسەباەۆقا ەسكەرتۋ تۇرىندە پارتيالىق جازا قولداندى», دەدى Nur Otan پارتيالىق باقىلاۋ كوميتەتىنىڭ توراعاسى ارتۋر پلاتونوۆ.