اقدم جاستار جانە وتباسى ىستەرى كوميتەتىنىڭ توراعاسى شاحماردان بايمانوۆتىڭ ايتۋىنشا, بىلتىر ەلىمىزدە اجىراسۋلار سانى ازايعان, دەپ حابارلايدى Egemen.kz وكق-عا سىلتەمە جاساپ.
«رەسمي ستاتيستيكالىق مالىمەتتەرگە سايكەس, 2020 جىلى اجىراسۋلار سانى 2019 جىلمەن سالىستىرعاندا تومەندەگەن. 2019 جىلى - 42,9% بولسا, 2020 جىلى بۇل كورسەتكىش 37,2% قۇراعان. «مەرەيلى وتباسى» بايقاۋى وتباسى مەن نەكەنىڭ جاعىمدى ۇلگىسىن دارىپتەۋگە, وتابسىلىق مارتەبەسىن ارتتىرۋعا باعىتتالعان ۇلكەن يميدجدىك جوبا. ول قازىرگى كەزدە وتباسى قۇندىلىقتارىن نىعايتۋعا ۇلكەن سەپتىگىن تيگىزەدى دەپ ويلايمىن. بۇدان بولەك, جەرگىلىكتى اتقارۋشى ورگانداردا دا, ورتالىق دەڭگەيدە دە بىرقاتار ءىرى جوبالار ىسكە اسىرىلادى. مىسالى, 2020 جىلى 91 جوبا ۇيىمداستىرىلدى. 2021 جىلى ولاردىڭ سانى 124-كە جەتتى», دەدى ش.بايمانوۆ.
ونىڭ ايتۋىنشا, بۇل جوبالار وتباسىلىق قۇندىلىقتاردى نىعايتۋعا, ينستيتۋتسيوناليزاتسيالاۋ, جاستار اراسىندا رەپرودۋكتيۆتى دەنساۋلىق, ءارتۇرلى كونسۋلتاتسيالىق قىزمەتتەر كورسەتۋگە باعىتتالعان. سونداي-اق ءار وڭىردە جاس وتباسىلارعا ءتۇرلى كونسۋلتاتسيالىق قىزمەتتەر ۇسىناتىن «باقىتتى وتباسى» ورتالىقتارى اشىلدى.
ايتا كەتەيىك, بيىل «مەرەيلى وتباسى» كونكۋرسى وزگەشە تارتىپپەن وتەتىنى جايىندا حابارلاعان ەدىك.