توتەنشە جاعدايلار ءمينيسترى يۋري يلين Nur Otan پارتياسىنىڭ رەسپۋبليكالىق قوعامدىق قابىلداۋ الاڭىندا ازاماتتاردى ونلاين قابىلدادى.
ءىس-شارا بارىسىندا نۇر-سۇلتان قالاسى مەن اقمولا وبلىسىنىڭ تۇرعىندارىنان بىرقاتار سۇراق ءتۇستى. ءمينيستردىڭ اتىنا كەلگەن سۇراقتاردىڭ باسىم بولىگى تۇرمىستاعى ءورت قاۋىپسىزدىگى ماسەلەسىنە قاتىستى بولدى.
ماسەلەن, ەلوردا تۇرعىنى ءوز ءۇيىنىڭ اۋلاسىندا شلاگباۋم ورناتۋدىڭ قانشالىقتى زاڭدى ەكەندىگىن سۇرادى. ءوز كەزەگىندە يۋري يلين نۇر-سۇلتان قالاسى تج دەپارتامەنتى قىزمەتكەرلەرىنە ءوتىنىش بەرۋشىمەن كەزدەسىپ, تەكسەرۋ جۇمىستارىن جۇرگىزۋدى تاپسىردى.
سونىمەن قاتار قازاقستاندىقتار تجم اۋماقتىق بولىمشەلەرىنە بيىلعى سۋ تاسقىنى كەزەڭىندە اتقارعان جۇمىسىنا العىستارىن ءبىلدىردى.
قابىلداۋ سوڭىندا ۆەدومستۆو باسشىسى تجم جاۋاپتى قىزمەتكەرلەرىنە ءتيىستى تاپسىرمالار بەردى جانە بارلىق ازاماتتىڭ وتىنىشتەرى جاۋاپسىز قالمايتىنىن مالىمدەدى.