الماتىداعى مەملەكەتتىك ورتالىق مۋزەيدە «حالىقارارلىق مۋزەيلەر كۇنى» كاسىبي مەرەكەسىنە وراي «مۋزەيلەردىڭ بولاشاعى: قالپىنا كەلتىرۋ جانە جاڭعىرتۋ» ۇرانىمەن «مۋزەي ءتۇنى» ونلاين-جوباسى ىسكە اسىرىلدى, دەپ حابارلايدى Egemen.kz.
اتالعان جوبا مۋزەيدىڭ قالپىنا كەلتىرۋ ءىسى مەن مۋزەيلىك ەكسپوناتتارىن كورسەتۋدى, تۇنگى ەكسكۋرسيالار مەن دارىستەر وتكىزۋدى قامتىدى.
قالىپتاسقان ءداستۇر بويىنشا بۇل كۇنى ورتالىق مۋزەي ساعات 10.00-دەن باستاپ 17.00-گە دەيىن اشىق ەسىك كۇنىن جاريالادى.
مادەنيەت وشاعى الماتى قالاسىنداعى يۋنەسكو كلاستەرلىك بيۋروسىمەن بىرىگە وتىرىپ حالىقارالىق اۋديتوريانى قامتيتىن «ورتالىق ازيا مەن ازەيربايجاننىڭ مۋزەيلەرى» اتتى حالىقارالىق جوبا ۇيىمداستىرعان بولاتىن. جوبا اياسىندا ورتالىق ازيا مۋزەيلەرى مەن مەملەكەتتىك ورتالىق مۋزەيدىڭ ەكسپوزيتسيالىق زالدارى مەن بىرەگەي كوللەكتسيالارى كورسەتىلدى.
سونداي-اق بيىل العاش رەت ورتالىق مۋزەيدىڭ باستاماسىمەن «مۋزەي ءتۇنى 2021» ونلاين-جوباسى اياسىندا وتاندىق مۋزەيلەرمەن بىرلەسىپ مۋزەيلىك ەستافەتا شىمىلدىعى تۇرىلگەنىن ايتا كەتكەن ءجون.
مۋزەي رەستاۆراتورلارىنىڭ قاتىسۋىمەن «قالپىنا كەلتىرۋدىڭ قۇپيالارى» اتتى ترەنينگ, سونداي-اق «مۋزەيلىك زاتتاردى قالپىنا كەلتىرۋدىڭ نەگىزگى قاعيدالارى مەن ادىستەرى» ونلاين-ءدارىسى ونەر سۇيەر قاۋىم ءۇشىن تاپتىرماس مۇمكىندىك تۋدىرىپ وتىر. ونىڭ بارىسىندا مۋزەي رەستاۆراتورلارى ءوز كاسىبي شەبەرلىكتەرىنىڭ سىرىن اشىپ, كىلەم-كيىز, زەرگەرلىك بۇيىمدار, قىش بۇيىمدارى, ماتا مەن كەسكىندەمە سىندى ءتۇرلى سيپاتتاعى ارتەفاكتىلەردى قالپىنا كەلتىرۋدىڭ قىر-سىرىن كورەرمەنگە پاش ەتتى.
ودان وزگە, «مۋزەي ءتۇنى 2021» ونلاين-جوباسىن ىسكە اسىرۋ بارىسىندا مۋزەي قىزمەتكەرلەرى «عىلىم ورداسىنداعى» تابيعات مۋزەيىمەن بىرىگىپ «پالەونتولوگيالىق ەكسپوناتتار مەن جانۋارلار ت ۇلىبىن قايتا قالپىنا كەلتىرۋ» ونلاين-شەبەرلىك ساباعىن وتكىزدى. رەستاۆراتورلاردىڭ جۇمىسىمەن تانىستىرعان جەتەكشى عىلىمي مامان, ب.ع.ك., امەريكالىق عىلىم اكادەمياسىنىڭ اكادەميگى پ.ا.تىلەۋبەردينا قازاقستان اۋماعىن مەكەندەگەن جويىلىپ كەتكەن ەجەلگى جانۋارلاردىڭ قاڭقاسىمەن تانىستىردى. مۋزەيدىڭ رەستاۆراتورلارى جانۋارلاردىڭ ت ۇلىپتارىن قالپىنا كەلتىرۋ مەن پالەونتولوگيالىق ارتەفاكتىلەردىڭ مۋلياجدارىن دايىنداۋ تۋرالى ايتىپ بەردى.
"مۋزەي ءتۇنى 2021" ونلاين-جوباسى اياسىندا «ماساتىداي قۇلپىرعان…» كورمەسىنىڭ نەگىزىندە كىلەم-توقىما بۇيىمدارىنىڭ دايىندالۋ بارىسى كورسەتىلدى (ەكسپوزيتسياعا جان ءبىتىرۋ ارقىلى). سونىمەن بىرگە «ب.ز.د. ءحىىى-ىحعع. اندرونوۆ مادەنيەتى داۋىرىنە ساياحات» تۇنگى ەكسكۋرسياسى كورەرمەندەر نازارىنا ونلاين فورماتتا ۇسىنىلدى. سونداي-اق الماتى قالاسىنىڭ ساندىك-قولدانبالى ونەر شەبەرلەرى مەن سۋرەتشىلەرى, ونىڭ ىشىندە كۇلان جانعۇتتى, تامارا ۆولكوۆا, بەردىبەك شوقپاروۆ, رىسكەلدى مۇساەۆ سىندى بەلگىلى مادەنيەت قايراتكەرلەرىنىڭ قاتىسۋىمەن «شەبەرمەن سىرلاسۋ» اتتى ونلاين-كەزدەسۋ ءوربىدى.
قازاقستان رەسپۋبليكاسى مەملەكەتتىك ورتالىق مۋزەيى ءداستۇرلى تۇردە ۇيىمداستىراتىن «مۋزەي ءتۇنى» جوباسى ونلاين كەڭىستىكتەگى كورەرمەندەردى مەيلىنشە قامتىدى. «مۋزەي ءتۇنى» ونلاين-جوباسى وتاندىق جەتەكشى ارنالار مەن باسىلىمدار ارقىلى ەل اۋماعىنا تارادى.