«ميكروقارىزدى كوپ مولشەردە ايماقتارداعى قازاقستاندىقتار الادى, سەبەبى ولاردىڭ جالاقىسى تومەن», دەگەن ەل اراسىندا جاڭساق پىكىر بار. «Robocash Group» («زايمەر» ونس) حالىقارالىق قارجى حولدينگى ماماندارى ەكونوميكالىق ەسەپتەۋلەر نەگىزىندە زەرتتەۋ جۇرگىزىپ, قازاقستاندىقتاردىڭ جالاقىسى مەن ولاردىڭ ادەتتە قارىزعا سۇرايتىن سوماسىنىڭ اراسىندا ەش بايلانىس بولمايتىنىن دالەلدەدى.
ۇلتتىق ستاتيستيكا كوميتەتىنىڭ رەسمي مالىمەتتەرىنە سۇيەنە وتىرىپ, كومپانيا اناليتيكتەرى رەسپۋبليكا ايماقتارىنداعى ورتاشا جالاقى مەن ولاردىڭ ادەتتە قارىزعا سۇرايتىن سوماسىن سالىستىردى. مىسالى, نۇر-سۇلتان قالاسىندا ورتاشا جالاقى 349,6 مىڭ تەڭگە, ال سۇرالاتىن قارىز سوماسى 76,6 مىڭ تەڭگەدەن اسپايدى. الماتىدا ورتاشا جالاقى ايتارلىقتاي جوعارى, ياعني 274,4 مىڭ تەڭگە, ال سۇرالاتىن قارىز سوماسى نۇر-سۇلتانداعىداي – 75,1 تەڭگە.
سولتۇستىك قازاقستاندا جالاقى ورتا ەسەپپەن 168,9 مىڭ تەڭگەنى قۇرايدى, بىراق اتالعان ءوڭىر تۇرعىندارى قارىز سوماسىن ادەتتە 56,9 مىڭ تەڭگەدەن اسىرا قويمايدى. باسقا وڭىرلەردە دە جاعداي وسىعان ۇقساس.
«اناليز بارىسىندا, كەلەسى جاعدايدى بايقادىق: نەعۇرلىم جالاقى تومەن بولسا, قارىز سوماسى دا سوعۇرلىم تومەن. دەمەك قازاقستاندىقتار وزدەرىنىڭ قارجى مۇمكىندىكتەرىن جاقسى بىلەدى جانە ەڭ باستىسى, قارىزدى كوپ سۇراپ الىپ, ودان كەيىن ونى قايتارا الماي قالىپ, دارەجەسىن ءتۇسىرىپ الۋدان قورقادى. سول سەبەپتى, قايتارۋعا شاماسى كەلەتىن سومانى عانا الادى. دەسەك تە تۇركىستان جانە جامبىل وبلىستارى كوزگە ەرەكشە ءتۇسىپ وتىر. اتالعان وڭىرلەردە ورتاشا جالاقى باسقا وڭىرلەرمەن سالىستىرعاندا تومەن بولعانىنا قاراماستان, وبلىس تۇرعىندارى ەڭ جوعارى قارىز سوماسىن الۋشىلار قاتارىنا كىرەدى ەكەن. ونىڭ سەبەبى, جامبىل مەن تۇركىستان وبلىستارىندا بيزنەسمەندەر وتە كوپ, ولار قارىزدى بيزنەسىن دامىتۋ ماقساتىندا الادى», دەيدى «زايمەر» سەرۆيسىنىڭ ماماندارى.