بۇعان دەيىن اقتاۋ قالاسىنىڭ تۇرعىنى مادەنيەت ءۇيىنىڭ جاعدايىنا الاڭداۋشىلىق بىلدىرگەن ەدى. اباي اتىنداعى مادەنيەت ءۇيىنىڭ ديرەكتورى عيماراتتىڭ ايانىشتى جاعدايىن ءتۇسىندىرىپ بەردى, دەپ حابارلايدى Egemen.kz lada.kz سايتىنا سىلتەمە جاساپ.
اقتاۋ تۇرعىنىنىڭ ايتۋىنشا, جاقىندا جاۋعان جاڭبىردان كەيىن عيماراتتىڭ توبەلەرىندە تەسىكتەر پايدا بولعان.
- كەڭسەنىڭ توبەلەرى جاعالاي تەسىك. وندا بالالارىمىز قالاي جۇرگەن؟ جاڭبىر جاۋعاندا قالالىق كىتاپحانانىڭ توبەسىنەن ەدەنگە جانە كىتاپتارعا سۋ تامشىلايدى. بۇدان بولەك باسپالداقتاردىڭ بالالار ۇستايتىن قورشاۋلارى ەرەكشە نازار اۋدارۋدى قاجەت ەتەدى. باسپالداقتىڭ قورشاۋى سەلكىلدەپ تۇر, ونى سىممەن بەكىتكەن بولىپتى... بالالار قۇلاپ كەتۋى مۇمكىن عوي, - دەپ شاعىمدانادى اتا-انا.
اباي مادەنيەت ءۇيى ديرەكتورىنىڭ ايتۋىنشا, جاقىن ارادا قورشاۋلار اۋىستىرىلادى.
- مۇنداي ماسەلەلەردىڭ بار ەكەنىن جاسىرمايمىن. كومپانيامەن قورشاۋلاردى اۋىستىرۋ تۋرالى كەلىسىمشارت بار جانە ولار جاقىن ارادا جۇمىسقا كىرىسەدى. اپاتتى جاعداي بولماس ءۇشىن ۋاقىتشا سىممەن بايلانىستىرىپ قويدىق. توبەگە كەلەتىن بولساق, جاڭبىر كەزىندە دەمالىس بازاسىنىڭ قىزمەتكەرلەرىمەن بىرگە م ۇلىكتى مۇمكىندىگىنشە ساقتاۋ جانە ىشىندەگى سۋدىڭ اعىپ كەتۋىنە جول بەرمەۋ ءۇشىن بارلىق قۇرالداردى قولداندىم. مادەنيەت سارايىنا كۇردەلى جوندەۋ مەن تاعايىندالعانعا دەيىن جۇرگىزىلگەن. ەندى ءبىز كومپانيانىڭ اقاۋلى اكت جاسايتىنىن كۇتەمىز, سودان كەيىن شاتىرى مەن قابىرعالارىن جوندەۋگە قارجى سۇرايمىز, - دەيدى مادەنيەت ءۇيىنىڭ ديرەكتورى ءامىرحان قۇلباەۆ.
ايتا كەتەيىك, اباي اتىنداعى مادەنيەت ۇيىندەگى كۇردەلى جوندەۋ 2014 جىلى جۇرگىزىلگەن. جوندەۋ جۇمىستارىنا بيۋدجەتتەن 397 ملن تەڭگە بولىنگەن. بارلىق جۇمىس پروتسەسىن مادەنيەت ءۇيىنىڭ ەكس-ديرەكتورى يۋري ديرر باسقارعان.