بۇگىن قازاقستانداعى باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ءبىرىنشى ورىنباسارى رۋستام احمەتوۆ ورتالىق كوممۋنيكاتسيالار قىزمەتىندە وتكەن بريفينگىدە قازاقستانداعى تۇرعىن ءۇي باعاسىنىڭ جاعدايى تۋرالى ايتتىپ بەردى, دەپ حابارلايدى Egemen.kz.
اگەنتتىك وكىلى جىل باسىنان بەرى ءبىرىنشى تۇرعىن ءۇي نارىعىنداعى باعا 5 پايىزعا وسكەنىن, بىراق قازىر ونىڭ تۇراقتالعانىن ايتتى.
«قازىر ديناميكا تومەندەدى, سوڭعى ايدا - 0,8%. تۇرعىن ءۇي نارىعىنداعى باعانىڭ ءوسۋىنىڭ باستى سەبەبى نارىققا 1 تريلليون 200 ميلليارد تەڭگەنىڭ زەينەتاقى اكتيۆتەرىنىڭ ەنۋىمەن بايلانىستى. باعانىڭ ءوسۋىن تەجەۋ ءۇشىن ءبىز باعانى تومەندەتۋ تۋرالى قۇرىلىس كومپانيالارىنا 11 ەسكەرتۋ جىبەرىپ, ولارمەن كەلىسسوزدەر جۇرگىزدىك. ەندى ءبىز تۇرعىن ءۇي باعاسىنىڭ ديناميكاسى تۇراقتالعانىن كورىپ وتىرمىز», دەدى رۋستام احمەتوۆ.
23 قاڭتاردان باستاپ ەلىمىزدە زەينەتاقى جيناقتارىنىڭ ءبىر بولىگىن پايدالانۋعا وتىنىمدەر قابىلداۋعا ارنالعان ونلاين-پلاتفورما ىسكە قوسىلدى. قازاقستاندىقتار بۇل اقشانى تۇرعىن ءۇي جاعدايىن جاقسارتۋعا نەمەسە قىمبات ەم-دومعا جۇمساي الادى.