امەريكانىڭ قازىرگى جانە وتستاۆكاداعى قارۋلى كۇشتەرى اق ءۇي باسشىسى دجو بايدەننىڭ دەنساۋلىعىندا كىنارات بار دەپ ايىپ تاققان 124 گەنەرالدىڭ اشىق حاتىن سىنعا الدى, دەپ حابارلايدى Egemen.kz ريا نوۆوستي-گە سىلتەمە جاساپ.
124 گەنەرالدىڭ اشىق حاتىندا ولار اقش پرەزيدەنتىنىڭ پسيحيكالىق جانە فيزيكالىق جاعدايىنا كۇمان كەلتىرگەن.
وتستاۆكاداعى پولكوۆنيك دجەففري ماككوسلاندتىڭ ايتۋىنشا, بۇل ايىپتاۋلار پرەزيدەنت سايلاۋىنىڭ ناتيجەلەرىن قايتا قاراۋعا اكەپ سوعۋى مۇمكىن. سوندىقتان مۇنداي «انتيدەموكراتيالىق ناۋقانعا» قاتىسۋ تىم قاۋىپتى ەكەنىن جەتكىزدى. ول, سونداي-اق, بيلىك وكىلدەرىنىڭ كەزەكتى ارەكەتى «الەمدەگى دەموكراتيالىق ەلدەردىڭ ءبىرى – اقش» دەگەن پىكىرگە كەراعار كەلەدى دەپ سانايدى.
پولكوۆنيك The Huffing Post گازەتىنە بەرگەن سۇحباتىندا ءىشىنارا بولىپ جاتقان اسكەري-ازاماتتىق قاقتىعىستار ەل دەموكراتياسىنا ايتارلىقتاي قاۋىپ توندىرەتىنىن باسا ايتتى. ال بۇرىنعى تەڭىز بارلاۋشىسى الەكس ماك كوي دا پولكوۆنيكتىڭ پىكىرىنە قولداۋ ءبىلدىرىپ, وتستاۆكاداعى گەنەرالداردىڭ شەشىمىنە ءۋاجىن ايتتى.
«تاريح بەتتەرىندە ولاردىڭ ەرلىكپەن كۇرەسكەنىن بىلەمىز. الايدا بۇل ارەكەتتەرى – سوراقىلىق. بۇل – كونستيتۋتسيا زاڭدارىن سىيلاماۋ, ەلىڭدى ساتۋ», دەيدى تەڭىز بارلاۋشىسى.
وسى ورايدا, جوعارعى سوت پەن فبر وكىلدەرى بىلتىر وتكەن پرەزيدەنتتىك سايلاۋ كەزىندە بۇرىنعى پرەزيدەنت دونالد ترامپتىڭ سايلاۋ ناتيجەسىنە قارسىلىق تانىتقانى تۋرالى سوزدەرىمەن سايكەسەتىنىن العا تارتادى.
ەسكە سالا كەتەيىك, بىلتىر 3 قاراشادا اقش-تا كەزەكتى پرەزيدەنت سايلاۋى ءوتتى. ال 7 قاڭتاردا اقش كونگرەسى دەموكرات دجو بايدەننىڭ جەڭىسىن ماقۇلداپ, ول 46-شى مەملەكەت باسشىسى بولدى.