ۋكراينا پرەزيدەنتى ۆلاديمير زەلەنسكي ۇلتتىق ەنەرگەتيكالىق رەتتەۋشىگە رەسەي مەن بەلارۋسسيادان ەلەكتر ەنەرگياسىن يمپورتتاۋدى شەكتەۋگە قۇقىق بەرەتىن زاڭعا قول قويدى. بۇل تۋرالى بەيسەنبىدە جوعارعى رادانىڭ ءباسپاسوز قىزمەتى حابارلادى, دەپ جازادى Egemen.kz.
ءتورت جىلدىق ۇزىلىستەن كەيىن 2019 جىلدىڭ كۇزىندە ۋكراينا رەسەي فەدەراتسياسىنان ەلەكتر ەنەرگياسىن يمپورتتاۋدى قايتا باستاعان ەدى. 2020 جىلدىڭ ساۋىرىندە ۇلتتىق ەنەرگەتيكالىق-كوممۋنالدىق شارۋاشىلىقتى رەتتەۋ كوميسسياسى پاندەميا كەزىندە رەسەي فەدەراتسياسى مەن بەلارۋسسيادان ەلەكتر ەنەرگياسىن يمپورتتاۋدى تەجەگەن.
ال بۇگىن مەملەكەت باسشىسىنىڭ كەڭسەسى ۆلاديمير زەلەنسكيدىڭ 2021 جىلى 15 ساۋىرىندە جوعارعى رادا قابىلداعان «ۋكراينانىڭ كەيبىر زاڭنامالىق اكتىلەرىنە ترانسميسسيالىق جۇيە وپەراتورىنىڭ سەرتيفيكاتتاۋىنا قاتىستى وزگەرىستەر ەنگىزۋ تۋرالى» زاڭعا قول قويعانىن اتاپ ءوتتى.
بۇل زاڭ باسقالارمەن قاتار, ەنەرگەتيكا جانە كوممۋنالدىق شارۋاشىلىقتى مەملەكەتتىك رەتتەۋ جونىندەگى كوميسسياعا وسى جىلدىڭ سوڭىنا دەيىن رەسەي مەن بەلارۋسسيادان ەلەكتر ەنەرگياسىن يمپورتتاۋدى توقتاتۋعا مۇمكىندىك بەرەدى.