اقمولا وبلىسىنىڭ ەرەيمەنتاۋ ستانتسياسىندا 10 جاستاعى مەكتەپ وقۋشىسى پويىز استىنا ءتۇسىپ, كوز جۇمدى, دەپ حابارلايدى Egemen.kz.
ەرەيمەنتاۋ اۋدانى اكىمىنىڭ ورىنباسارى باتتال ىبراەۆتىڭ ايتۋىنشا, قايعىلى وقيعا 10 مامىردا بولعان. تەمىرجول ستانتسياسى مەكتەپ وقۋشىسىنىڭ ۇيىنە جاقىن ورنالاسقان.
«وقيعاعا بايلانىستى تەرگەۋ شارالارى جۇرگىزىلىپ جاتىر. 4-سىنىپ وقۋشىسى تەمىرجولدىڭ رۇقسات ەتىلمەگەن جەرىنەن وتپەك بولعان. ول جەردە بەلگىلەنگەن تەمىرجول وتپەسى جوق. ودان ءارى كوپىر بار, اۆتوبۋستار جۇرەدى. بالا, وكىنىشكە وراي, وسى ۋاقىتتا ەرەسەكتەردىڭ قاداعالاۋىنسىز بولعان», دەپ ءتۇسىندىردى ب.ىبراەۆ.
سونداي-اق كولىكتەگى پوليتسيا دەپارتامەنتىنىڭ ءباسپاسوز قىزمەتىنىڭ مالىمەتى بويىنشا, اتالعان فاكتى قر قك-ءنىڭ 344-بابى 2-بولىگىمەن نۇر-سۇلتان ستانتسياسىنداعى جەلىلىك پوليتسيا باسقارماسىنىڭ سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى.
«تەرگەۋ جۇرگىزىلۋدە, وزگە اقپارات قر قىلمىستىق ءىس جۇرگىزۋ كودەكسىنىڭ 201-بابىنىڭ تالاپتارىنا سايكەس جاريا ەتىلمەيدى», دەپ تولىقتىردى ۆەدومستۆودان.