بۇل تۋرالى بۇگىن ىشكى ىستەر مينيسترلىگىنىڭ رەسمي وكىلى ءنۇردىلدا وراز حابارلادى, دەپ جازادى Egemen.kz «حابار 24» ارناسىنا سىلتەمە جاساپ.
ونىڭ ايتۋىنشا, ءتارتىپ ساقشىلارى قۇقىق بۇزۋشىلاردان 18 توننا بالىق تاركىلەدى. ونىڭ 4 تونناسى – بەكىرە. 22 ءىس بويىنشا سوتقا دەيىنگى تەرگەۋ باستالىپ كەتتى. 200-دەن استام ادام اكىمشىلىك جازاعا تارتىلدى. قىلمىسكەرلەرگە سوماسى 10 ميلليون تەڭگەنى قۇراعان ايىپپۇلدار سالىندى. ماسەلەن, اتىراۋ وبلىسىنىڭ ءبىر تۇرعىنىنىڭ ءوزى سالماعى 1 تونناعا تەڭ 250-گە جۋىق بەكىرە بالىعىن اۋلاپ العان. قازىر بۇل دەرەك بويىنشا تەرگەۋ ءجۇرىپ جاتىر.