ورال قالاسىنا بلوك-بەكەتتەر قويىلدى

«سوڭعى اپتادا وبلىستا كۆي جۇقتىرۋدىڭ 1 067 جاڭا جاعدايى تىركەلىپ وتىر. وتكەن اپتامەن سالىستىرعاندا اۋرۋ كورسەتكىشىنىڭ 20 پايىزعا تومەندەگەندىگى بايقالادى. اۋرۋعا شالدىققانداردى انىقتاۋ ماقساتىندا وبلىستاعى 13 زەرتحانادا تاۋلىگىنە 2 مىڭنان استام پتر تەستىلەۋ جاسالادى. وبلىس «قىزىل» ايماقتا 1 ايدان استام ۋاقىت بولعانىن ەسكەرە وتىرىپ, كارانتيندىك شەكتەۋ ءىس-شارالارى كۇشەيتىلدى. مەيرام كۇندەرى ەلدى مەكەندەردەگى تۇرعىنداردىڭ وبلىس ورتالىعىنا كەلۋىن ازايتۋ ماقساتىندا ورال قالاسىندا جانە «قىزىل» ايماقتاعى 6 اۋداندا 1 مامىردان باستاپ 21 بلوك-بەكەت ورناتىلدى», دەدى ەسقاليەۆ.

ونىڭ يتۋىنشا, بۇل شەكتەۋ ءتۇرى بيزنەس سۋبەكتىلەرىنىڭ جۇمىسىنا كەدەرگى كەلتىرمەيدى. اتالعان بلوك-بەكەتتەردىڭ جۇمىسى stopcovid.kz سايتى جانە «109» قىزمەتى ارقىلى تولىقتاي اۆتوماتتاندىرىلعان.

«بۇل ءىس-شارالار وبلىس ورتالىعىنا قاتىنايتىن تۇرعىندار سانىن 35 پايىزعا دەيىن ازايتىپ, ادام كوپ جينالاتىن ءىس-شارالاردى قىسقارتۋعا مۇمكىندىك بەرىپ وتىر. مونيتورينگ توپتار كۇندەلىكتى رەيدتەرىن جالعاستىرۋدا. 1 ساۋىردەن بەرى مونيتورينگ توپ مۇشەلەرى 665 رەت رەيدكە شىعىپ, 3,5 مىڭنان استام نىساندى تەكسەردى. 12 مەيرامحانانىڭ جۇمىسى 3 ايعا توقتاتىلدى. سوڭعى اپتادا 1,9 ملن تەڭگەگە 34 حاتتاما تولتىرىلدى», دەدى عالي ەسقاليەۆ.

سونىمەن قاتار وڭىردە ۆاكتسيناتسيالاۋ جۇمىسى قارقىدى جۇرگىزىلىپ جاتقانىن, وبلىسقا ۆاكتسينانىڭ 84 مىڭ دوزاسى جەتكىزىلىپ, 1 كومپونەنتىمەن 45 205, ەكىنشى كومپونەنتپەن 14 593 ادام ەكپە العانىن ايتتى.