ءۇندىستاندا كوروناۆيرۋستان ءبىر كۇندە قايتىس بولعاندار سانى بويىنشا ەڭ جوعارى كورسەتكىش تىركەلدى, دەپ حابارلايدى Egemen.kz «حابار 24» ارناسىنا سىلتەمە جاساپ.
ەلدىڭ دەنساۋلىق ساقتاۋ مينيسترلىگى تاراتقان مالىمەت بويىنشا, ءبىر كۇن بۇرىن 3689 ادام اجال قۇشقان. وسىعان بايلانىستى بيلىك ۆاكتسينالاۋ ناۋقانىن جەدەلدەتۋگە كىرىستى. ەل استاناسى نيۋ-دەليدەگى مەكتەپتەردە بىرنەشە ەكپە ورتالىعى اشىلدى. بۇل ورىندارعا نەگىزىنەن 18-45 جاس ارالىعىنداعى تۇرعىندار شاقىرىلادى. بيلىك وكىلدەرىنىڭ جوسپارى بويىنشا, كەمىندە 300 مەكتەپ ۆاكتسينالاۋ ورتالىعىنا اينالماق.«مۇمكىندىگىنشە ۆاكتسينانى تەزىرەك سالدىرىڭىزدار. بۇل وتە ماڭىزدى ءىس-شارا. كوۆيدتىڭ ەكىنشى تولقىنى ۇلكەن قاۋىپ ءتوندىرىپ تۇر. بارلىق ادامدى ەكپە قابىلداۋ ارقىلى ىندەتتىڭ تارالۋىن بىرگە توقتاتۋعا شاقىرامىن», دەدى ەكپە سالدىرعان تۇرعىن رادجات دايال.