كوكشەتاۋدا مەرەكە كۇندەرى جىلجىمالى مەديتسينالىق كەشەن جۇمىس ىستەۋدە. تاۋەلسىزدىك الاڭىندا قالا تۇرعىندارىنا COVID-19-عا قارسى ەكپە سالىنۋدا, دەپ حابارلايدى Egemen.kz
«وتباسىلىق دەنساۋلىق ورتالىعى» بولىمشەسىنىڭ مەڭگەرۋشىسى جۇلدىز ساپارباەۆانىڭ ايتۋىنشا, اتالعان مەديتسينالىق كەشەن, ءموبيلدى بريگادالار, سونداي-اق قالالىق ەمحانا مەن وبلىس ورتالىعىنىڭ ءىرى ساۋدا نۇكتەلەرىندەگى كابينەتتەر قالا تۇرعىندارى ءۇشىن 1-3 مامىر ارالىعىندا ساعات 9:00-دەن 17:00-گە دەيىن تۇسكى ءۇزىلىسسىز قىزمەت كورسەتەدى. وسىعان دەيىن وسىنداي جىلجىمالى كەشەننىڭ ءىس-شارالاردىڭ ارقاسىندا ءبىر جۇمىس كۇنى ىشىندە 1300-دەن استام ادام ەكپە العان. «ۆاكتسيناتسيا كەزىندە ءبىزدىڭ ماماندار مەن مەديتسينا قىزمەتكەرلەرى پاتسيەنتتەرگە كەڭەس بەرەدى, ولار قانداي جاناما اسەرلەرگە تاپ بولۋى مۇمكىن ەكەنىن تۇسىندىرەدى. بىزدە ۆاكتسينانىڭ ءبىرىنشى كومپونەنتىن العان ادامدار 21 كۇننەن كەيىن قالالىق ەمحاناعا نەمەسە وتباسىلىق دەنساۋلىق ورتالىعىنا ەكىنشى كومپونەنتكە جۇگىنە الادى», دەدى جۇلدىز ساپارباەۆا.