قىزىلوردادا ەكى ادامنان كونگو-قىرىم بەزگەگى انىقتالدى

قازىر ولاردىڭ جاعدايلارى بىرقالىپتى, جۇقپالى اۋرۋلار بولىمىندە ەم الۋدا. ەكى دەرەك تە شيەلى اۋدانىنان تىركەلىپ وتىر.جالپى وبلىستا 113 ەلدى مەكەن قولايسىز دەپ تانىلدى. بۇل ەلدى مەكەندەردى زالالسىزداندىرۋعا بيۋدجەتتەن قارجى قاراستىرىلعان.«مەملەكەتتىك ساتىپ الۋ كونكۋرسىنىڭ ناتيجەسىندە زالالسىزداندىرۋ جۇمىستارىن جۇرگىزۋگە مەردىگەرلەر بەلگىلەندى. ياعني 567 318 مال باسى, 33385 قورا, سۋاتتار كوكتەم جانە كۇزدە زالالسىزداندىرىلادى. قازىر شيەلى, جاڭاقورعان اۋداندارىندا ءى-ءشى كەزەڭ اياقتالىپ, ءىى-ءشى كەزەڭ جۇرگىزىلۋدە. جالاعاش پەن سىرداريا اۋداندارىندا ءى-ءشى كەزەڭ باستالدى», دەدى وبلىستىق جۇمىلدىرۋ دايىندىعى باسقارما باسشىسىنىڭ ورىنباسارى باعدات اليەۆ.

وبلىستىق سانيتاريالىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا كەنەنىڭ شاعۋىنان بولاتىن اۋرۋدى بولدىرماۋ باعىتىنداعى جۇمىستاردى سارالاپ, جاندىك شاققان جاعدايدا بىردەن تۇرعىلىقتى جەردەگى مەديتسينالىق پۋنكتكە جۇگىنىپ, قاجەتتى ەم-دوم شارالارىن الۋ كەرەكتىگىن اتاپ ءوتتى.