قىرعىز-تاجىك شەكاراسىنداعى وقيعا سالدارىنان 13 ادام قايتىس بولدى. 134 ادام جاراقات العان. بۇل تۋرالى قىرعىزستان دەنساۋلىق ساقتاۋ مينيسترلىگى مالىمدەدى, دەپ حابارلايدى Egemen.kz كابار اگەنتتىگىنە سىلتەمە جاساپ.
جيىرما بەس جارالى ادام باتكەننەن بىشكەككە ارنايى ۇشاقپەن جەتكىزىلدى. ولار تراۆماتولوگيا جانە ورتوپەديا عىلىمي-زەرتتەۋ ورتالىعى, ۇلتتىق گوسپيتال جانە ەل استاناسىنداعى ۇلتتىق حيرۋرگيا ورتالىعىنا جاتقىزىلدى. ەكى ناۋقاستىڭ جاعدايى اۋىر, قالعاندارى ورتاشا جانە سالىستىرمالى تۇردە قاناعاتتانارلىق.
ەسكە سالا كەتسەك, 28 ءساۋىر كۇنى قىرعىزستان مەن تاجىكستان شەكاراسىندا ەكى ەل تۇرعىندارى ءوزارا كەلىسپەي, ارتى قاقتىعىسقا ۇلاسىپ كەتتى.
كەشە قازاقستان پرەزيدەنتى قاسىم-جومارت توقاەۆ وقيعاعا بايلانىستى پىكىر ءبىلدىردى.