الماتى وبلىسىندا بالالاردى كولىك قاعىپ كەتۋ وقيعاسى بويىنشا ءىسى سوتقا جولداندى, دەپ حابارلايدى Egemen.kz وبلىستىق پروكۋراتۋراعا سىلتەمە جاساپ.
«بۇل فاكتى بويىنشا قىلمىستىق كودەكستىڭ 345-1-بابى 4-بولىگىمەن (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان الكوگولدىك ماساڭ كۇيدە كولىك قۇرالىن جۇرگىزۋ) سوتقا دەيىنگى تەرگەۋ باستالدى, اتالعان باپپەن ەڭ جوعارعى جازا 10 جىلعا دەيىن باس بوستاندىعىنان ايىرۋ كوزدەلگەن», دەلىنگەن حابارلامادا.
اۆتوكولىك قۇرالىنىڭ جۇرگىزۋشىسى قاماۋعا الىندى, بارلىق قاجەتتى تەرگەۋ ارەكەتتەرى مەن ساراپتامالىق زەرتتەۋلەر جۇرگىزىلىپ, تەرگەۋ پروتسەسستىك مەرزىمدە اياقتالدى. 28 ساۋىردە ەڭبەكشىقازاق اۋدانىنىڭ پروكۋراتۋراسى ايىپتاۋ اكتىسىمەن قىلمىستىق ءىستى ءمانى بويىنشا قاراۋ ءۇشىن سوتقا جولدادى.
ەستەرىڭىزگە سالا كەتەيىك, 2 ناۋرىز ساعات 18:40-تا «ۋاز» اۆتوكولىگىنىڭ جۇرگىزۋشىسى, ەڭبەكشىقازاق اۋدانى قورام اۋىلىنىڭ 54 جاستاعى تۇرعىنى ماس كۇيدە (ورتاشا دارەجە) كولىگىمەن جولدىڭ شەتىندە تۇرعان ەكى 8 جاسار جانە ەكى 9 جاسار وقۋشى قىزدى قاعىپ كەتتى.
ونىڭ ۇشەۋى اۋرۋحاناعا جاتقىزىلدى. 14 ناۋرىز كۇنى وقۋشىنىڭ ءبىرى ەسىن جيماستان كوز جۇمدى. بۇل وقيعاعا قاتىستى تەرگەۋدى پرەزيدەنت قاسىم-جومارت توقاەۆ ءوز باقىلاۋىنا العان ەدى.