عىلىم – مەملەكەتتىڭ مەرەيىن اسىرىپ, قوعامدى جارقىن ءھام جاڭاشىل ارناعا جەتەلەيتىن بىردەن-ءبىر كۇش ەكەنى انىق. ونىڭ قانات جايىپ قارقىنداۋى تۇتاس ەلدىڭ بولاشاعىنا تىكەلەي اسەر ەتەتىنى بەلگىلى. وسى رەتتە جىل سايىن قازاق ۇلتتىق قىزدار پەداگوگيكالىق ۋنيۆەرسيتەتىندە «عىلىم اپتالىعى» ۇيىمداستىرىلادى. اتالعان شارا بيىل دا جالعاسىن تاپتى.
ۇيىمداستىرۋشىلار اپتالىقتىڭ ەكى ءتۇرلى ماڭىزدىلىعىن العا تارتادى. بىرىنشىدەن, ۋنيۆەرسيتەتتىڭ عىلىمي-زەرتتەۋ قىزمەتىنىڭ جىلدىق قورىتىندىسىن شىعارۋ. ەكىنشىدەن, عىلىمعا جاس عالىمدار مەن ستۋدەنتتەردى, ماگيسترانتتاردى, دوكتورانتتاردى تارتۋ, ولاردىڭ عىلىمي الەۋەتىن كوتەرۋ ماقساتىندا ءتۇرلى دوڭگەلەك ۇستەلدەر, بەلگىلى عالىمدارمەن دارىستەر, ۆەبينارلار وتكىزۋ.
ء«داستۇرلى تۇردە وتەتىن ءىس-شارا بيىل دا ۇيىمداستىرىلىپ جاتىر. اپتالىق اياسىندا «جاستار جانە عىلىم: بۇگىنى مەن بولاشاعى» تاقىرىبىندا رەسپۋبليكالىق ستۋدەنتتەر, ماگيسترانتتار, دوكتورانتتار مەن جاس عالىمداردىڭ عىلىمي-تاجىريبەلىك كونفەرەنتسياسى وتەدى. كونفەرەنتسيادا جاس عالىمدار «Strength of language», «Capacity of social science», «Information learning and STEM», «Efficiency of teaching», «Natural science», «Culture and ART» جانە «E-S Talks» باعىتتارى بويىنشا عىلىمي جاڭالىقتارى مەن ىزدەنىستەرىن كوپشىلىك نازارىنا ۇسىنباق. سونىمەن قاتار القالى جيىن شەڭبەرىندە ەل تاۋەلسىزدىگىنىڭ 30 جىلدىعىنا ارنالعان ءى حالىقارالىق ونلاين باسقوسۋ ۇيىمداستىرىلماق», دەيدى ۇيىمداستىرۋشىلار.
قازاق ۇلتتىق قىزدار پەداگوگيكالىق ۋنيۆەرسيتەتى فيلولوگيا ينستيتۋتىنىڭ ديرەكتورى, پروفەسسور, فيلولوگيا عىلىمدارىنىڭ دوكتورى تىنىشتىق نۇرداۋلەتقىزى اپتالىقتىڭ ماڭىزدىلىعىنا توقتالا كەلە, ۋنيۆەرسيتەتتىڭ عىلىمي الەۋەتى جىل سايىن ارتىپ, حالىقارالىق بايلانىستار بەكي تۇسكەنىن جەتكىزدى.
«قازىرگى تاڭدا ۋنيۆەرسيتەتىمىزدە حالىقارالىق باسىلىمدارداعى عىلىمي جاريالانىمدار مەن حالىقارالىق عىلىمي بايلانىستاردىڭ كوبەيۋىنەن حالىقارالىق اقپاراتتىق رەسۋرستار جانە ت.ب. قولجەتىمدىلىكتىڭ ەداۋىر ارتقانى بايقالادى. ونىڭ دالەلى, ۋنيۆەرسيتەت قۇرىلعاندا العاشقى اشىلعان فاكۋلتەتتەردىڭ بىرەگەيى, قازىرگى فيلولوگيا ينستيتۋتى كادرلىق الەۋەتى جاعىنان دا, جىلدىق مونيتورينگ ناتيجەسى بويىنشا دا كوش باسىندا. اكادەميالىق ۇتقىرلىق باعدارلاماسى بويىنشا ينستيتۋتقا شەتەلدىك ءبىلىم الۋشىلاردىڭ قىزىعۋشىلىعى باسەڭدەگەن ەمەس, كەرىسىنشە جىل سايىن وسى باعدارلاما اياسىندا شەتەلدىك بىلىمگەرلەر ءدارىس الادى. الداعى ۋاقىتتا كافەدرالاردىڭ زور عىلىمي الەۋەتىن حالىقارالىق ارەنادا تانىتۋعا بايلانىستى بىرقاتار جوبانى جۇزەگە اسىرماقپىز», دەدى ت.نۇرداۋلەتقىزى.