ەلىمىزدەگى ىنتىماق پەن بەرەكەنى تۋ ەتكەن قازاقستان حالقى اسسامبلەياسىنىڭ XXIX سەسسياسىندا ۇلى شەشىمنىڭ قابىلدانعانىنا كۋا بولدىق. قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ اسسامبلەيانى باسقارۋ قۇقىعىن پرەزيدەنت قاسىم-جومارت توقاەۆقا بەرۋ تۋرالى شەشىم قابىلدادى.
وسىلايشا, ەلباسى ءوز شاكىرتتەرىنىڭ, قاناتتاستارىنىڭ, ءىزباسارلارىنىڭ دايىن بولۋىنا قاراي وكىلەتتىكتەردى ءوز قولىمەن تابىستاي الاتىندىعىن تاعى ءبىر دالەلدەدى. بۇل دانا دا دارا شەشىم بولدى. سان مارتە ساباقتاستىقتىڭ ءمانى مەن ماڭىزىن الدىڭعى ورىنعا قويىپ كەلە جاتقان ەلباسى بۇل جولى دا كورەگەندىگىن كورسەتتى. زاڭ اياسىندا, كونستيتۋتسيا شەڭبەرىندە سارابدال, ساليقالى قادام جاسادى. ۇلتقا ۇلگى كورسەتىپ, ەرتەڭگى ۇرپاققا كەمەل باسشى بولا ءبىلۋدىڭ جاۋاپكەرشىلىگىن ۇعىندىرا الدى. اتا زاڭنان اتتاماۋدىڭ, بەيبىتشىلىك پەن كەلىسىمدى بارىنەن جوعارى قويا ءبىلۋدىڭ بۇدان ارتىق دالەلى جوق.
تۇڭعىش پرەزيدەنتىمىزگە زور العىسىمدى ايتامىن. كورەگەندىگىمەن كوپ دۇنيەنى تۋعان ەلىنە تۇسىندىرە الدى. ءتۇسىندىرىپ قانا قويماي, ناقتى جۇمىس ىستەپ, ەلدىڭ ىرگەسىن بەكىتىپ, ەڭسەسىن تىكتەپ, بىرلىكتى باستى بايلىعىمىز رەتىندە باعالاپ كەلەدى. ارينە, ءبىر كەزدەرى ەلىمىزدەگى تۇراقتىلىقتى, ىنتىماقتى, بىرلىكتى سىنعا العاندار دا بولىپ ەدى. ەلباسى ونداي ادامدارعا اشىق جاۋاپ بەرىپ, تۇراقتىلىق پەن ىنتىماق بولماعان جەردە دامۋ مەن گۇلدەنۋ دە بولمايتىنىن جەتكىزگەن.
تۇڭعىش پرەزيدەنتىمىزدىڭ پايىمى مەن پاراساتى, وزگەدە جوق وي دارياسى, كەمەلدىگى مەن كەڭدىگى – جارقىن بولاشاققا ۇمتىلعان مەملەكەت ءۇشىن ءالى تالاي جىلدار ۇلگى, ونەگە بولارىنا سەنەمىن.
احمەت مۋرادوۆ,
قازاقستان حالقى اسسامبلەياسى كەڭەسىنىڭ مۇشەسى, قازاقستانداعى چەشەندەر مەن ينگۋشتاردىڭ «ۆايناح» قاۋىمداستىعىنىڭ تەڭ توراعاسى