ەلوردا اكىمى التاي كولگىنوۆ نۇر-سۇلتاندا 2020-2021 جىلدارداعى جىلۋ بەرۋ ماۋسىمىن اياقتاۋ تۋرالى قاۋلىعا قول قويدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
«قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى» قازاقستان رەسپۋبليكاسىنىڭ 2001 جىلعى 23 قاڭتارداعى زاڭىنا, استانا قالاسى ءماسليحاتىنىڭ 2014 جىلعى 27 ماۋسىمداعى №249/36-V شەشىمىمەن بەكىتىلگەن استانا قالاسىندا جىلۋ بەرۋ ماۋسىمىنا دايىندىق جانە ونى وتكىزۋ قاعيدالارىنا سايكەس, نۇر-سۇلتان قالاسىنىڭ اكىمدىگى قاۋلى ەتەدى:
1. نۇر-سۇلتان قالاسىندا 2020-2021 جىلى جىلۋ بەرۋ ماۋسىمىن 2021 جىلعى 29 ساۋىردەن باستاپ اياقتاۋ;
2. «نۇر-سۇلتان قالاسىنىڭ وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسى» مەملەكەتتىك مەكەمەسى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وسى قاۋلىدان تۋىندايتىن قاجەتتى شارالاردى قابىلداسىن», دەلىنگەن اكىمدىكتىڭ قاۋلىسىندا.