ەلىمىزدە الداعى كۇندەرى كۇن سۋىتىپ, جاڭبىر جاۋادى. «قازگيدرومەت» سينوپتيكتەرى 29 ءساۋىر مەن 1 مامىر ارالىعىنداعى اۋا رايى بولجامىن ايتتى, دەپ حابارلايدى Egemen.kz
بولجامعا سايكەس, اتموسفەرالىق فرونتالدى بولىكتەردىڭ وتۋىمەن رەسپۋبليكانىڭ كەي بولىگىندە جاۋىن-شاشىن بولىپ, جەل كۇشەيەدى. ەلدىڭ ورتالىعىندا, شىعىسىندا جانە وڭتۇستىك-شىعىسىندا قاتتى جاڭبىردىڭ سوڭى بۇرشاققا ۇلاسىپ, نايزاعاي ويناۋى مۇمكىن.
«سونداي-اق سكانديناۆيا اۋداندارىنان انتيتسيكلوننىڭ كەلۋىمەن قازاقستان اۋماعىندا اۋا تەمپەراتۋراسى تومەندەيدى. سولتۇستىك وڭىرلەردە تۇندە 3 گرادۋسقا دەيىن تومەندەپ, ۇسىك جۇرەدى, كۇندىز 10-15 گرادۋس بولادى.
ال وڭتۇستىك وڭىرلەردە تۇندە 7-15 گرادۋس, كۇندىز 18-28 گرادۋسقا دەيىن جىلى بولادى», دەلىنگەن حابارلامادا.