قازىرگى زامانعى مۋزەي تاجىريبەسىندە مەموريالدىق كورمەلەر ۇيىمداستىرۋ ۇردىسكە اينالىپ وتىر. ويتكەنى مەموريالدىق كورمەلەر جەكەلەگەن ونەر يەلەرىنىڭ ءومىر ورنەكتەرىنەن مالىمەت بەرىپ, ەسىمى ەل ەسىندە قالعان تاعىلىمدى تۇلعالاردىڭ تاريحي وبرازىن قالىپتاستىرۋعا مۇمكىندىك بەرەدى.
« ۇلى دالانىڭ ايگىلى پەرزەنتتەرى» دەپ اتالعان كەزەكتى كورمە ەل تاۋەلسىزدىگىنىڭ 30 جىلدىعى مەن تاريحي تۇلعالاردىڭ دارا تۇرار داتاسىنا ورايلاستىرىلىپ وتىر. مەملەكەتتىك ورتالىق مۋزەي تورىندە شىمىلدىعىن تۇرگەن ايتۋلى جوبا جىر الىبى جامبىل جاباەۆتىڭ 175 جىلدىق, كۇش اتاسى قاجىمۇقان مۇڭايتپاسوۆتىڭ 150 جىلدىق, ساحنا سەركەسى سەركە قوجامقۇلوۆتىڭ 125 جىلدىق, ءانشى, كومپوزيتور ماناربەك ەرجانوۆتىڭ 120 جىلدىق, كومپوزيتور لاتيف ءحاميديدىڭ 115 جىلدىق, قازاق پوەزياسىنىڭ اسا كورنەكتى وكىلى, اقىن قاسىم امانجولوۆتىڭ 110 جىلدىق, مەملەكەت قايراتكەرى, ەتنوگراف وزبەكالى جانىبەكوۆتىڭ 90 جىلدىق مەرەيتويلارىنا ارنالعان.
كورمەدە مەرەيتوي يەلەرىنىڭ تىرشىلىگىندە تۇتىنعان جەكە زاتتارى, ءومىرى مەن شىعارماشىلىعىنا قاتىستى بىرەگەي فوتو-قۇجاتتار, حاتتار, ەڭبەكتەرى مەن ماراپاتتارى, سونىمەن قاتار بەينەلەۋ ونەرى تۋىندىلارى مەن يلليۋستراتسيالار قويىلعان. اسىرەسە, جامبىل جاباەۆتىڭ ومىردەن وتكەننەن كەيىنگى بەت-ءپىشىنىنىڭ گيپستەن قۇيىلعان بەدەرى مەن كۇش اتاسى – قاجىمۇقاننىڭ تىماعى كەلۋشىلەر نازارىن اۋدارادى.
– قازاق تاريحىندا ءىزى قالعان تۇلعالاردى ۇلىقتاۋدىڭ مۋزەيلەر ءۇشىن بىردەن-ءبىر جولى – كورمە ۇيىمداستىرۋ ارقىلى ناسيحاتتاۋ. ايتۋلى جوبانى Nوmاd Life كومپانياسىمەن بىرلەسە ۇيىمداستىرىپ وتىرمىز. « ۇلى دالانىڭ ايگىلى پەرزەنتتەرى» كورمەسى وسى اتالعان تۇلعالاردىڭ قايراتكەرلىك قىرىن تانىتۋعا جول اشىپ, مۋزەي كوللەكتسياسى ارقىلى سىر شەرتەدى, – دەيدى مەملەكەتتىك ورتالىق مۋزەي قىزمەتكەرى سۇلۋشاش اعەلەۋوۆا.
الماتى