«قايىرىمدى ىستەر مارافونى» ۇلتتىق جوباسىنىڭ اياسىندا قازاقستان تاۋەلسىزدىگىنىڭ 30 جىلدىعىنا ارنالعان «قايىرىمدى ىستەر» اكتسياسى باستالدى, دەپ حابارلايدى Egemen.kz اقپارات جانە قوعامدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
اكتسيا اياسىندا ساتىپ الۋشىلار مۇقتاجدارعا ارنالعان تاۋارلارعا اقى تولەي الادى جانە ولاردى دۇكەندەردە, سۋپەرماركەتتەردە, ءدارىحانالاردا نەمەسە كيىم دۇكەندەرىندە الدىن الا بەلگىلەنگەن ارنايى سورەلەردە قالدىرا الادى. اكتسيا ۇيىمداستىرۋشىلارى قازاقستاندىقتارعا قايىرىمدى ىستەردى كۇن سايىن, ءتىپتى جاقىن ماڭداعى دۇكەنگە بارۋ كەزىندە دە جاساۋعا بولاتىنىن ەسكە سالادى.
قايىرىمدىلىق اكتسياسىنا كەز كەلگەن ادام قوسىلا الادى. ول ءۇشىن كاسىپكەرلەر ءوز دۇكەندەرىنە نەمەسە ءدارىحانالارىنا ارنايى سورەلەر ورناتۋى كەرەك نەمەسە باسقا ساتىپ الۋشىلار تولەگەن تاۋارلاردىڭ ءتىزىمىن جاساۋى كەرەك.
اكتسيانى العاشقىلاردىڭ ءبىرى بولىپ «Magnum» سۋپەرماركەتتەر جەلىسى قولدادى. ماسەلەن, 13 ساۋىردەن 12 مامىرعا دەيىن ساتىپ الۋشىلار جەلىنىڭ بارلىق دۇكەندەرىنەن قايىرىمدىلىق ماقساتتارى ءۇشىن «اۋىزاشار» جيىنتىقتارىن ساتىپ الا الادى. ساتىپ الۋشىدان سىيعا تارتىلعان ءاربىر جيىنتىققا ساۋدا جەلىسى ءوز اتىنان تاعى بىرەۋىن قوسادى جانە ء«ۋاسيلا» جانە ء«ال-امين» قايىرىمدىلىق قورلارى ۆولونتەرلەرىنىڭ كومەگىمەن مەشىتتەرگە تاسىمالدايتىن بولادى.
سونىمەن قاتار magnum.kz سايتىندا قازاقستان مۇسىلماندارى ءدىني باسقارماسى جانىنداعى «زەكەت» قورىنىڭ شوتىنا قاراجات اۋدارا وتىرىپ, ساتىپ الۋشى «ساداقا» رەتىندە قايىرىمدىلىق جاساي الاتىن مۇمكىندىك قولجەتىمدى بولادى. بۇل فۋنكتسيا «زەكەت» قورى تولەم پاراقشاسىنا اپاراتىن QR-كودى بار ارنايى تاعانداردا ورناتىلادى.
سونىمەن قاتار نۇر-سۇلتاننىڭ, الماتى, اقمولا جانە شىعىس قازاقستان وبلىستارىنىڭ دۇكەندەرىندە تەگىن تاۋارلارى بار «جاقسىلىق سورەلەرى» پايدا بولدى. كاسىپكەرلەردىڭ ايتۋىنشا, نەگىزىنەن جەرگىلىكتى تۇرعىندار وندا ەڭ قاجەتتى ازىق-ت ۇلىكتى قالدىرادى: نان, ماي جانە جارما.
ەستەرىڭىزگە سالا كەتەيىك, الەۋمەتتىك جەلىلەردە #قايىرىمدىلار حەشتەگىن پايدالانا وتىرىپ, ءوز يگى ىستەرىڭىز تۋرالى ايتۋعا نەمەسە ءوز قالاڭىزدىڭ قانداي دۇكەندەرى قايىرىمدىلىق اكتسياسىنا قولداۋ كورسەتكەندەرىن بىلۋگە بولادى.