جاقىن ارادا الەم فۋتبولىندا كەڭىنەن قولدانىلىپ, تورەشىلەردىڭ جۇكتەمەسىن ازايتۋعا كومەكتەسىپ جاتقان VAR بەينەقايتالاۋ جۇيەسى قازاقستاندا دا قولدانىلماق. بۇل تۋرالى قازاقستان فۋتبول فەدەراتسياسىنىڭ باس حاتشىسى ازامات ايتقوجين مالىمدەدى.
ء«بىز جۇيەلى تۇردە جۇمىس ىستەپ, VAR جۇيەسىن ىسكە قوسىپ بەرە الاتىن سەرىكتەستى تاۋىپ قويدىق. ولار بىزگە وتاندىق تەلەونىم دايىندايتىن كومپانيامەن بىرلەسىپ, بەينەقايتالاۋ نوبايىن ۇسىنادى. سونىمەن قاتار FIFA وسى جاقىندا عانا VAR Light جوباسىن ىسكە قوستى. وندا تەلەكورسەتىلىمگە جالعانباعان كامەرانى دا بەينەقايتالاۋ ءۇشىن پايدالانۋعا بولادى ەكەن. ءبىز وسى جوبانى قازاقستانعا اكەلىپ, تەكسەرۋدەن وتكىزىپ بەرۋىن وتىندىك. سوندىقتان دا الداعى ۋاقىتتا VAR Light جوباسى ەلىمىزدىڭ ستاديوندارىنا ورناتىلا باستايدى», دەيدى ا.ايتقوجين.
VAR جۇيەسى الەم فۋتبولىندا 2018 جىلدان بەرى قولدانىلىپ كەلەدى.