26 جانە 27 ساۋىردە ەلورداداعى ن.گوگول كوشەسىنەن يگىلىك كوشەسىنە دەيىنگى ارالىقتاعى تاشكەنت كوشەسىندە قوزعالىس جارتىلاي جابىلادى, دەپ حابارلايدى Egemen.kz
«نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم نۇر-سۇلتان قالاسى پد اكىمشىلىك پوليتسيا باسقارماسىمەن بىرلەسىپ جول-قۇرىلىس جۇمىستارىن باستادى. وسىعان بايلانىستى 26 جانە 27 ساۋىردە ن.گوگول كوشەسىنەن يگىلىك كوشەسىنە دەيىنگى ۋچاسكەدەگى تاشكەنت كوشەسى بويىنشا قوزعالىس ءىشىنارا جابىلدى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن ۆەدومستۆو حابارلاماسىندا.