بۇگىن قۇرلىقتىق چەمپيونات اياقتالعان سوڭ ازيا ترياتلون كونفەدەراتسياسىنىڭ جىل سايىنعى 29-ى كونگرەسسى وتكىزىلدى, دەپ حابارلايدى Egemen.kz Olympic.kz سايتىنا سىلتەمە جاساپ.
بۇگىن قۇرلىقتىق چەمپيونات اياقتالعان سوڭ ازيا ترياتلون كونفەدەراتسياسىنىڭ جىل سايىنعى 29-ى كونگرەسسى وتكىزىلدى.
القالى جيىنعا ازيانىڭ 25 ۇلتتىق ترياتلون فەدەراتسيالارىمەن قاتار, قازاقستان ترياتلون فەدەراتسياسى دا قاتىستى.
ونلاين-كونفەرەنتسيادا Asia Triathlon پرەزيدەنتىنىڭ, باس حاتشىسىنىڭ, باس قازىناشىسى مەن سپورتتى دامىتۋ باسشىسىنىڭ جىلدىق ەسەپتەرى تىڭدالدى. كونگرەسس مۇشەلەرى ۇيىم كۇنتىزبەسىنە سپرينت قاشىقتىعىنداعى ازيا چەمپيوناتىن قوسۋ تۋرالى كونستيتۋتسياعا وزگەرىس ەنگىزۋدى ءبىراۋىزدان ماقۇلدادى. Asia Triathlon قۇرامىنا جاڭا مۇشە – ساۋد ارابياسىنىڭ ۇلتتىق ترياتلون فەدەراتسياسى قابىلداندى. سونىمەن بىرگە ۆيرتۋالدى كەزدەسۋ كەزىندە جۋىردا بولاتىن ازيا قۇرلىعىنىڭ ءىرى تۋرنيرلەرىنىڭ جەرگىلىكتى ۇيىمداستىرۋ كوميتەتتەرى ءوز ءىس-شارالارىمەن تانىستىرىپ ءوتتى. ولار: توكيودا وتەتىن وليمپيادا جانە پاراليمپيادا ويىندارى; 2021 جىلى چولپون-اتادا وتەتىن سپرينت قاشىقتىعىنداعى ازيا چەمپيوناتى; 2021 جىلى نۇر-سۇلتاندا ارالاس ەستافەتا جانە U23, Junior ساناتتارىندا سپورتشىلار اراسىنداعى ازيا چەمپيوناتى; 2022 جىلى حانچجوۋدا بولاتىن 19-ى ازيا ويىندارى.
وسىلايشا قازاقستان ءوز جەرىندە ارالاس ەستافەتا, ءجاسوسپىرىم جانە 23 جاسقا دەيىنگى سپورتشىلار اراسىندا ازيا چەمپيوناتىن قابىلدايتىن بولادى.
ورتالىق ازيادا العاش وتكەلى وتىرعان ايتۋلى دودا 3-5 قىركۇيەكتە ەل استاناسىندا وتەدى دەپ جوسپارلانۋدا.