استانا قالاسى سارىارقا اۋدانىنداعى كوپقاباتتى ۇيلەردىڭ بىرىندە شىققان ءورت كەزىندە تجم قىزمەتكەرلەرى 12 ادامدى قۇتقارىپ, 25 تۇرعىندى قاۋىپسىز جەرگە ەۆاكۋاتسيالادى, دەپ حابارلايدى Egemen.kz.
ءورت جەڭىس داڭعىلىنىڭ بويىندا ورنالاسقان توعىز قاباتتى تۇرعىن ءۇيدىڭ ەكىنشى قاباتىندا بولعان. توتەنشە جاعدايلار دەپارتامەنتىنىڭ كۇشتەرى وقيعا ورنىنا جەتكەن بويدا پاتەردىڭ بالكونى مەن تەرەزە ويىعىنىڭ جانىپ جاتقانىن انىقتادى.
الماتىدا بازار ماڭىندا ءورت شىقتى
قۇتقارۋشىلار جوعارعى قاباتتاردان 25 ادامدى ەۆاكۋاتسيالادى. سونىمەن بىرگە ارنايى قۇتقارۋ ماسكالارىنىڭ كومەگىمەن 12 ادام, سونىڭ ىشىندە 9 بالا قۇتقارىلدى.
ورالدا ءدامحانادان ءورت شىقتى
ءورت سوندىرۋشىلەردىڭ كاسىبي ءىس-قيمىلىنىڭ ارقاسىندا ءتىلسىز جاۋدىڭ ءارى قاراي تارالۋىنا جول بەرىلمەي, جالىن 20 شارشى مەتر اۋماقتا تولىق ءسوندىرىلدى. وقيعا سالدارىنان زارداپ شەككەندەر جوق. توتەنشە جاعدايدىڭ شىعۋ سەبەبى انىقتالىپ جاتىر.