بۇگىن رۋدنىيدا وتكەن جالپىقالالىق سەنبىلىك بارىسىندا كەنشىلەر شاحارىنىڭ ورتالىعىنداعى«دوستىق» ساياباعىندا تاۋەلسىزدىك اللەياسىنىڭ اشىلۋ سالتاناتى ءوتتى, دەپ حابارلايدى Egemen.kz.
اللەيانىڭ العاشقى كوشەتتەرىن وتىرعىزۋعا كوپشىلىكپەن بىرگە قالا اكىمى قايرات يسپەرگەنوۆ دە قاتىستى.
- قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي اشىلعان اللەيا ورتالىق ساياباعىمىزدىڭ ءسانىن ارتتىرىپ, اجارىن اشا تۇسەتىن بولادى. بۇگىن 25 شىرشا كوشەتىن وتىرعىزدىق. شىرشا ءوسىپ تۇرعان جەردە اۋا دا تازا بولادى. بۇگىنگى شاراعا اتسالىسقاندارىڭىز ءۇشىن بارشاڭىزعا شىنايى ريزاشىلىعىمدى بىلدىرەمىن. قالامىزدىڭ كوركەيە تۇسۋىنە ۇلەس قوسۋ وسى تۇرعان ارقايسىمىزدىڭ دا مىندەتىمىز دەپ بىلەمىن, - دەدى قالا باسشىسى.تاۋەلسىزدىك ساياباعىنا الداعى ۋاقىتتا ءسۇمبىل تەرەكتەر مەن شاعان كوشەتتەرى, باسقا دا باعالى اعاش تۇرلەرى وتىرعىزىلماق.