زاڭسىز بوسقىنداردى الىپ كەلە جاتقان قايىق ليۆيا جاعالاۋىندا اۋدارىلىپ, 130-عا جۋىق ادام قازا تاپتى, دەپ حابارلايدى Egemen.kz SOS Mediterranee ۇكىمەتتىك ەمەس ۇيىمىنا سىلتەمە جاساپ.
ۇيىم مالىمەتى بويىنشا, سوڭعى 48 ساعات ىشىندە ليۆيا جاعالاۋىندا اپاتقا ۇشىراعان ءۇش قايىق تۋرالى حابارلاما كەلگەن. ولار SOS Mediterranee-گە تيەسىلى Ocean Viking قۇتقارۋ كەمەسىنەن كەمىندە ون ساعاتتىق جەردە ەكەنى ەسكەرتىلگەن.
ء«بىز بۇگىن وقيعا ورنىنا كەلگەننەن بەرى بىردە-ءبىر ءتىرى ادامدى تاپپادىق, دەگەنمەن اپات بولعان جەردە ونداعان ادامنىڭ ءمايىتىن كوردىك», دەلىنگەن ۇيىمنىڭ حابارلاماسىندا.
قۇتقارۋ وپەراتسياسى اۋا رايىنىڭ قولايسىزدىعى سالدارىنان قيىنداپ كەتكەن. ىزدەۋ ايماعىنداعى تولقىندار 6 م-گە جەتكەن.