كريپتوفەرمالاردىڭ قاراسى كوبەيىپ كەلەدى

تسيفرلى فەرمالاردىڭ نەگىزى­نەن ەلەكتر ەنەرگياسىن وندىرەتىن نىسانداردىڭ جانىنان اشىلاتىنى بەلگىلى. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ رەسمي مالىمەتىنشە, فەرمالار نەگىزىنەن ەلىمىزدىڭ سولتۇستىك وڭىرلەرىندە كوپ شوعىرلانعان. اتاپ ايت­قاندا, پاۆلودار جانە شىعىس قازاق­ستان وبلىستارىنداعى, سون­­داي-اق ورال قالاسىنداعى تسيفر­­لى فەرمالار ءتاي-ءتاي باسىپ كەلە­دى. ايتپاقشى, ولاردىڭ كو­مە­گى­­مەن بىلتىر 82 ملرد تەڭگە ين­ۆەس­­تيتسيا تارتىلعان.

قالاي دەسەك تە, ەلىمىزدە تسيفر­­لى فەرمالار كوبەيىپ كەلەدى. دەمەك جاقىن بولاشاقتا قازاق­ستان­نىڭ وزىندىك كريپتونارىعى دا قۇرىلۋى مۇمكىن. بۇل باعىت­تىڭ بىزدەگى الەۋەتى دە جوعارى. سو­عان قاراماستان ماينينگ پەن كريپتوبيزنەس يندۋسترياسىن قۇرۋعا قولبايلاۋ بولىپ وتىرعان كەدەرگىلەر دە بار. الدىمەن سولاردى رەتتەۋ كەرەك.

ماسەلەن, 2020 جىلعى 25 ماۋ­سىمدا قابىلدانعان تسيفرلى تەح­نولوگيالاردى رەتتەۋ ماسە­ل­ە­لەرى جونىندەگى زاڭدا تسيفرلى اكتيۆتەر اينالىمىنىڭ قۇ­قىق­تىق رەجىمى بەلگىلەنگەن. اتاپ ايت­قاندا, «تسيفرلى اكتيۆ» ۇعى­مى ەنگىزىلدى. بۇل قامتاماسىز ەتىل­گەن جانە قامتاماسىز ەتىلمە­گەن كريپتوۆاليۋتالار بولىپ بو­لىنەدى. وسىلايشا, ماينينگتى كاسىپ­كەرلىك قىزمەت رەتىندە تا­نۋ ءۇشىن زاڭنامالىق بازا قۇ­رىل­دى. بىراق ۇلتتىق بانك ءوزىنىڭ قۇ­قىق­­تىق اكتىلەرى ارقىلى كريپ­تو­ۆاليۋتالاردىڭ اينالىمىن جانە ونىمەن مامىلە جاساۋدى شەك­تەپ, تىيىم سالىپ وتىر. ءوز كەزە­گىندە بۇل قازاقستانداعى كريپ­توبير­جانىڭ دامۋىن تەجەيدى.

وسىعان بايلانىستى كريپتو­ين­دۋستريانى دامىتۋ ماق­سا­تىن­دا قولدانىستاعى زاڭ­دار مەن نور­ماتيۆتىك-قۇقىق­تىق اكتى­لەر­گە وزگەرىستەر ەنگىزۋ تاسىل­دەرىن انىقتاۋ ءۇشىن جۇ­مىس توبى قۇ­رىلدى. دەمەك سالا­داعى وزگە­رىس­تىڭ اۋىلى الىس ەمەس سەكىلدى. ونىڭ ۇستىنە تسيفر­لىق دامۋ, يننوۆاتسيا­لار جانە اەرو­عارىش ونەركاسىبى مينيستر­لىگى الداعى ءۇش جىلدا تسيفرلى فەر­مالار قازاقستانعا 300 ملرد تەڭگە كولەمىندە ينۆەستيتسيا اكە­لەدى دەپ بولجام جاساپ وتىر.

جالپى, الەمدىك دەڭگەيدە قاراستىرار بولساق, ءبىزدىڭ ەلدەگى ەلەكتر ەنەرگياسىنىڭ قۇنى ارزان. ال ارزان ءارى مول ەنەرگيا – كريپتوۆاليۋتا ءوندىرۋ ءۇشىن قاجەتتى شيكىزات. ەلدەگى تسيفر­لى فەرمالاردىڭ جىل وتكەن سايىن كوبەيىپ كەلە جاتقانى دا سوندىقتان. ماسەلەن, ءبىر بيتكوين الۋ ءۇشىن ورتاشا ەسەپپەن 78 مىڭ كۆت/ساعات ەلەكتر ەنەرگياسى پايدالانىلادى ەكەن. بۇل شامامەن 1,5 ملن تەڭگە جۇمسالا­دى دەگەن ءسوز. بىراق بىزدەگى شەكتەۋلەرگە بايلانىستى كريپتوۆاليۋتانى وندىرۋگە مۇمكىندىك بولسا دا, ونى جۇمساۋعا رۇقسات جوق. ال ءوندىرىستىڭ دۇرىس جولعا قويىلۋىنا جابدىقتىڭ تيىم­دىلىگى, جەلىنىڭ كۇردەلىلىگى جانە جۇمسالعان ەلەكتر ەنەرگياسىنىڭ مولشەرى اسەر ەتەدى.

بەلگىلى بولعانداي, قازاقستان بيتكوين ءوندىرىسى بويىنشا الەم­دىك رەيتينگتە ءتورتىنشى ورىندا تۇر. سول سەبەپتى ءبىزدىڭ ەلگە الەم­نىڭ تۇكپىر-تۇكپىرىنەن ماي­نەر­­لەر ءجيى كەلەدى. ولاردى ەلەك­تر ەنەر­گياسىنىڭ ارزان­دى­­عى قىزىق­تىرا­دى, البەتتە. بىراق كريپتو­ۆاليۋتا وپەرا­تسيا­لارىنداعى قۇ­پيا­­­لىلىقتىڭ جوعارىلىعىنا باي­لانىستى ونىڭ زاڭدى تولەم قۇرا­لى ەمەس ەكەنىن بىلگەندە, ولاردىڭ كوڭىلى سۋ سەپكەندەي باسىلادى.

قارجى نارىعىن رەتتەۋ جانە دامىتۋ اگەنتتىگىنىڭ حابار­لاۋىن­شا, كريپتوۆاليۋتانىڭ ەكو­نو­ميكالىق تاۋەكەلى جوعارى. «كو­لەڭكەلى مامىلەلەر» كوپ جا­سالۋى مۇمكىن. ال بۇل ەكونو­مي­­كانىڭ دامۋىنا كەرى اسەر ەتە­دى. اگەنتتىك الەمدىك قارجى جۇ­يەسىندە كريپتوۆاليۋتانى رەتتەيتىن تەتىكتەر جوق ەكەنىن العا تارتۋدا. سوندىقتان تسيفرلى اقشا ەشكىمگە باعىنبايدى جانە وعان اسەر ەتەتىن فاكتورلار دا شامالى. سول سەبەپتى ءار ەل كريپتوۆاليۋتا نارىعىن ءوز بەتىنشە رەت­­تەۋگە تىرىسادى.

– قاراپايىم ادام ءۇشىن قا­شاندا قاۋىپ پەن قاتەر بار. بۇل جەردە قارجىلىق ءبىلىم ماڭىزدى. كوزدى جۇمىپ, پاتەر مەن كولىكتى كريپتوۆاليۋتاعا سالىپ جىبەرۋ دۇرىس ەمەس. ينۆەستيتسيالىق ساۋات­تىلىقتى مەڭگەرىپ, قاۋىپ­تىڭ جا­يىن اڭعارۋ كەرەك. ماسە­لەن, كريپ­­توۆاليۋتا باعاسى كۇرت كوتەرىلسە, ونى ساتىپ الۋدىڭ قا­جەتى شامالى. دۇرىسى, ونىڭ باعا­سى ارزانداعان كەزدە سا­تىپ الۋ. ياعني قاي كەزدە قانداي قا­دام جاساۋ كەرەكتىگىن ءبىلۋ شارت. كريپ­توۆاليۋتا نارىعىنداعى ويىن­­شىلار كوبەيدى. بۇعان پان­دەميانىڭ دا اسەرى بولدى. تىعى­رىققا تىرەلگەن كاسىپكەرلەر قولدا بار اكتيۆىنىڭ بارلىعىن كريپتوۆاليۋتا نارىعىنىڭ اينالىمىنا جۇمسادى. بۇل نارىقتىڭ بەلسەندىلىگىن ارتتىرىپ جىبەردى, – دەيدى قازاقستان بلوكچەين قوعام­­داستىعىنىڭ نەگىزىن قالاۋ­شى باتىربەك وماروۆ.