قازاقستاندىق تەننيسشى الەكساندر بۋبليك يسپانيانىڭ بارسەلونا قالاسىندا ءوتىپ جاتقان جۇلدە قورى 1 565 480 ەۆرونى قۇرايتىن اتر ءتۋرنيرىنىڭ ەكىنشى كەزەڭىنەن اسا المادى, دەپ حابارلايدى Egemen.kz
تۇساۋكەسەر كەزدەسىندە قازاقستاننىڭ ءبىرىنشى راكەتكاسى الەكساندر بۋبليك الەمدىك رەيتينگتە 48 ورىندا تۇرعان الەحاندرو داۆيدوۆيچ-فوكينادان ايلاسىن اسىرعان ەدى. ەكىنشى كەزەڭدە ول الەكس دە ميناۋرمەن شەبەرلىك بايقاستى. بۇل باسەكەدە اتر رەيتينگىندە 25 ورىنعا جايعاسقان 22 جاستاعى اۋستراليا تەننيسشىسىنىڭ اسىعى الشىسىنان ءتۇستى. ول 7:6, 6:2 ەسەبىمەن باسىم ءتۇستى. تۇركيانىڭ ىستانبۇل قالاسىندا WTA ءتۋرنيرى باستالدى. جۇلدە قورى 235 238 اقش دوللارىن قۇرايتىن جارىستا زارينا دياس ونەر كورسەتكەن ەدى. الايدا ول ەستونيانىڭ ەڭ ۇزدىك تەننيسشىسى كلاۋديو كانەپيەگە 4:6, 4:6 ەسەبىمەن ەسە جىبەردى.