بۇگىنگى تاڭدا قورداي اۋدانىنىڭ سورتوبە اۋىلىندا 24 مىڭ حالىق تۇرادى. جەرگىلىكتى حالىقتى نەگىزىنەن دۇنگەن ۇلتىنىڭ وكىلدەرى قۇرايدى, دەپ حابارلايدى Egemen.kz
قازىرگى كەزدە اۋىلدىڭ بىرلىگى جاراسىپ, ىنتىماعى ارتىپ كەلەدى. اسىرەسە, دۇنگەن ۇلتىنىڭ وكىلدەرى قازاق ءتىلىن ۇيرەنۋدە بەلسەندىلىك تانىتۋدا. اۋىلداعى «دوستىق» بالاباقشاسىندا بۇگىندە 27 بالا تاربيەلەنىپ جاتىر.
بالاباقشا مەڭگەرۋشىسى حەدجەر يدىبونىڭ ايتۋىنشا, بالالار قازاق ءتىلىن ۇيرەنۋگە قۇشتار ەكەن. بۇل ماقساتتا ءتيىستى جۇمىستار جۇرگىزىلىپ كەلەدى. سونداي-اق اۋىل تۇرعىنى لەدجەي سىروۆ تا اۋىلداعى احۋالدىڭ تۇراقتى ەكەنىن ايتادى.
وتكەن جىلى سورتوبە اۋىلىنان «يمامدار ءۇيى» اشىلعان بولاتىن. اتالعان ورتالىق اۋىلدىقتاردىڭ ءتۇرلى سۇراقتارىنا جاۋاپ بەرىپ, يسلام, يمان تۇرعىسىندا ءدارىس ءوتىپ كەلەدى.
بۇگىن مۇندا كەلەلى رۋحاني باسقوسۋ ءوتىپ, سورتوبە اۋىلىنا ارنايى كەلگەن الماتى قالاسى, «بايكەن» مەشىتىنىڭ نايب يمامى نۇربولات دۇيسەباەۆ كوپشىلىكتىڭ سۇراقتارىنا جاۋاپ بەردى. سونىمەن قاتار قازاقستان مۇسىلماندارى ءدىني باسقارماسىنىڭ جامبىل وبلىسى بويىنشا وكىل يمامى بەيبىت مىرزاگەلديەۆ تە سۇحبات بەردى.
«بۇگىندە قورداي اۋدانىنداعى 62 مەشىتتە 91 ءدىني قىزمەتكەر جۇمىس ىستەيدى. ونىڭ ىشىندە 30 قازاق, 59 دۇنگەن ۇلتىنىڭ وكىلى بار. «وتاندى ءسۇيۋ – يماننان» دەمەكشى, بۇل ورتالىق حالىقتى تۋرا جولعا شاقىراتىن جەر. سونداي-اق جەرگىلىكتى يمامدار دا قازاق تىلىندە ۋاعىز ايتۋعا دايىندالىپ جاتىر», دەيدى بەيبىت مىرزاگەلديەۆ.
جامبىل وبلىسى,قورداي اۋدانى.