قوستاناي وبلىسىنىڭ سارىكول اۋدانىندا مۇزدى سەڭ كوشىپ, كۇرە جولدىڭ ءۇستىن بيىكتىگى 5 مەتر مۇز ءۇيىندىسى باسىپ قالدى. جولاۋشىلاردىڭ ءبىرى تۇسىرگەن ۆيدەودا كول بەتىندە جىلجىعان مۇزدىڭ ارناسىنان اسىپ, ءاپ-ساتتە جولدىڭ ۇستىنە تاۋداي بولىپ ءۇيىلىپ قالعانىن كورۋگە بولادى. الىپ مۇز كەسەكتەرى جولىندا تۇرعان ەلەكتر باعاندارىنىڭ ءبىرىن قۇلاتىپ كەتكەن.
بۇل وقيعانى «قازاۆتوجول» كومپانياسىنىڭ وبلىستىق فيليالى دا راستادى. ولاردىڭ ايتۋىنشا, مۇز كوشكىنى قاتتى جەلدىڭ سالدارىنان بولعان.
– بۇل كۇرە جولدىڭ 713-ءشى شاقىرىمىندا, سەۆاستوپولسكي كەنتىنىڭ جانىندا بولعان جاعداي. ونداعى كوپىر وتكەن جىلى سالىنعان. كوپىردىڭ استىنداعى سۋ وڭنان سول جاققا قاراي اعىپ جاتىر. كەشە سول جاقتان وڭ جاققا قاراي, ياعني اعىنعا قارسى سوققان قاتتى جەل سالدارىنان ۆيشنوۆوە كولىندەگى مۇز كوتەرىلىپ, جولعا شىعىپ كەتكەن. وسىعان بايلانىستى, جولدا بيىكتىگى 5 مەترگە دەيىن جەتەتىن, ۇزىندىعى 500 مەترلىك مۇز ءۇيىندىسى پايدا بولدى, – دەدى «قازاۆتوجول» ۇك» اق قوستاناي وبلىستىق فيليالىنىڭ ديرەكتورى اندرەي گورۆات.
«قازاۆتوجول» ماماندارى مەن جەرگىلىكتى ورگاندار ءتۇنى بويى جول ءۇستىن مۇزدان ارشۋمەن بولعان. «قازىر جەڭىل كولىكتەر ءۇشىن جول اشىق. ءبىر-ەكى ساعاتتان سوڭ مۇز باسىپ قالعان تۇستان جۇك كولىكتەرى دە وتە الادى», دەدى ا.گورۆات.
قوستاناي وبلىسى