كومىر يندۋسترياسىنداعى الەۋمەتتىك جانە ەڭبەك قاتىناستارىن رەتتەۋ ماقساتىندا جاۋاپتى مەملەكەتتىك ورگان مەن سالالىق ونەركاسىپ جۇمىس بەرۋشىلەرى, سونداي-اق كاسىپوداقتار اراسىندا 2021-2023 جىلدارعا ارنالعان كەلىسىمگە قول قويىلدى.
كومىر ءوندىرىسى ءۇشىن ماڭىزدى قۇجاتقا يندۋستريا جانە ينفراقۇرىلىمدىق دامۋ ۆيتسە-ءمينيسترى امانياز ەرجانوۆ, تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارى قاۋىمداستىعىنىڭ اتقارۋشى ديرەكتورى نيكولاي رادوستوۆەتس, «بوگاتىر كومىر» جشس-ءنىڭ باس ديرەكتورى نيكولاي كورساكوۆ, «قازكومىرتەك» كومىر وندىرۋشىلەردىڭ سالالىق وداعىنىڭ توراعاسى مارات ميرگايازوۆ, «قازپروفمەتالل» تاۋ-كەن مەتاللۋرگيا سالالىق وداعىنىڭ توراعاسى اسىلبەك نۇرالين, سول سەكىلدى كومىر ونەركاسىبى قىزمەتكەرلەرى كاسىپوداعىنىڭ توراعاسى ميحايل نيكيفوروۆ قول قويىپ, ورتاق كەلىسىمگە كەلدى.
ارنايى جۇمىس توبى اتالعان قۇجاتتى 9 اي ىشىندە دايىنداعانىن ايتا كەتكەن ورىندى. شامامەن 35-كە جۋىق وتىرىسى وتكىزىلىپ, كۇردەلى كەلىسسوزدەر ناتيجەسىندە ورتاق كەلىسىمگە قول جەتكىزىلىپ, ونىڭ نەگىزىندە كومىر ءوندىرۋشى كاسىپورىنداردا ۇجىمدىق شارتتار ازىرلەنىپ, قابىلدانادى.
بۇل رەتتە ءتيىستى كەلىسىمدە كوزدەلگەن الەۋمەتتىك-ەكونوميكالىق جەڭىلدىكتەر مەن كەپىلدىكتەردى بارلىق تاراپ ورىنداپ, ساقتاۋعا مىندەتتى. ولار ۇجىمدىق شارتتاردا نەمەسە جۇمىس بەرۋشىنىڭ اكتىلەرىندە بۇرمالانباۋى ءتيىس. سونىمەن قاتار ۇجىمدىق شارتتاردا قوسىمشا الەۋمەتتىك كەپىلدىكتەر قاراستىرىلۋى مۇمكىن.
«وسى قۇجاتتىڭ الەۋمەتتىك ارىپتەستىكتى دامىتۋدا, وڭىرلەردەگى تۇراقتىلىقتى قامتاماسىز ەتۋدە, سونداي-اق بارلىق تاراپ اراسىنداعى تەڭ قۇقىقتى ديالوگ ارقىلى ساقتاۋدا ماڭىزى زور. اتالعان كەلىسىم ەڭبەك جاعدايلارىن جاقسارتۋعا, قاۋىپسىز جۇمىس جاعدايلارىن جاساۋعا, الەۋمەتتىك كەپىلدىكتەردى قامتاماسىز ەتۋگە, ەڭبەكاقى تولەۋ جۇيەسىن جەتىلدىرۋگە, قىزمەتكەرلەردىڭ بىلىكتىلىگىن ارتتىرۋعا جانە جاستارمەن جۇمىستى ۇيىمداستىرۋعا مۇمكىندىك بەرەدى. بۇل ماسەلەلەر اسىرەسە كوروناۆيرۋس پاندەمياسى كەزەڭىندە وزەكتى», دەدى ن.رادوستوۆەتس.
ءۇش جىلعا ارنالعان قۇجاتقا سايكەس, ەڭبەك ۇجىمدارىندا قولايلى الەۋمەتتىك-پسيحولوگيالىق كليماتتى ساقتاۋ, ەڭبەك داۋلارىنىڭ الدىن الۋ جانە ەسكەرتۋ بويىنشا بىرلەسكەن شارالار قابىلداۋ, الەۋمەتتىك-ەڭبەك جانجالدارى مەن ەرەۋىلدەردى بولدىرماۋعا باعىتتالعان ءىس-شارالاردى وتكىزۋ جوسپارلانۋدا.
تاراپتار ءوندىرىستى جاڭعىرتۋ مەن ءوسىرۋدى ىنتالاندىرۋعا, كومىر سالاسىنا جاڭا تەحنولوگيالاردى ەنگىزۋگە, قىزمەتكەرلەردىڭ تابىسىن ارتتىرۋعا باعىتتالعان ەكونوميكالىق ساياسات جۇرگىزۋگە ۋاعدالاستى. سونىمەن قوسا كومىر ءوندىرىسىنىڭ دامۋىنا جاردەمدەسۋگە, كومىر تاسىمالداۋ باعاسىنىڭ نەگىزسىز ءوسۋىن تەجەۋگە, ينۆەستيتسيالار تارتىپ, سالالىق ستاندارتتاردى ەنگىزۋگە جانە تاۋارلار سەرتيفيكاتى بويىنشا جۇمىس جۇرگىزۋگە ءارى بىلىكتى كادرلار دايارلاۋ جۇيەسىن جەتىلدىرۋگە ءازىر ەكەندەرىن جەتكىزدى.
الەۋمەتتىك ارىپتەستىك اياسىندا كومىر كومپانيالارىنىڭ قىزمەتكەرلەرى ءۇشىن الەۋمەتتىك كەپىلدىكتەر, اتاپ ايتقاندا ۋاقىتشا ەڭبەككە جارامسىزدىققا بايلانىستى, بالا تۋعان جاعدايدا, زەينەت جاسىنا تولعاندا ەڭبەك شارتى بۇزىلعان كەزدە بىرجولعى جاردەماقى جانە تاعى باسقا قولداۋ تەتىكتەرىمەن قامتۋ قاراستىرىلادى.