كوپ كولەمدە ايىپپۇل سالىندى

بيىلعى ءۇش ايدىڭ قورى­تىن­­دىسى بويىنشا ەلىمىزگە اكە­لىن­گەن جوعارعى تاۋەكەلدەگى فيتو­سانيتاريالىق كارانتيندىك ونىمگە قاراستى تەكسەرىس ناتي­جەسىندە 800-دەن استام زاڭ بۇزۋ­شىلىق انىقتالعان. ونىڭ ىشىندە 110 فاكت كارانتيندىك وبەكتىلەر رەتىندە تىركەلگەن بولسا, 500-دەن استامىندا ءتيىستى قۇجاتتارى سايكەس كەلمەگەن نەمەسە مۇلدەم جوق بولىپ شىققان. وسىعان قاراي, قازاقستان جانە ەاەو زاڭناماسىندا بەل­گى­لەن­گەن كارانتيندىك تالاپ­تار­دىڭ بۇزىلۋىنا بايلانىس­تى ەكسپورتتاۋشى ەلدەرگە 8 مىڭ­نان استام توننا ءونىم كەرى قاي­تارىلدى. قايتارىلۋعا جات­قىز­ىلعان ءونىمنىڭ كولەمى بو­يىن­شا ەكسپورتتاۋشى ەلدەر كوشىن قىتاي (6022,2 توننا) مەن رەسەي فەدەراتسياسى (1136,2 توننا) باس­تاپ تۇر. ودان بولەك وزبەكستان (439,2 توننا), قىرعىزستان (307,4 توننا), ازەربايجان (303,6 توننا), يران (243 توننا) جانە تۇرىكمەنستان (212,5 توننا) ەلدەرى دە بار.

قايتارىلعان ونىمدەردىڭ با­سىم كوپشىلىگىندە قىزاناق, بۇ­رىش جانە ارپا ونىمدەرى بول­عان. وندا قىزاناق جەمىس­تەرى­­نىڭ قوڭىر ءاجىم ۆيرۋسى, ارام­سوياۋ, باتىس گۇل ءتريپسى, كومس­توك قۇرتى جانە تاعى دا باسقا كا­رانتيندىك وبەكتىلەر انىق­تالدى.

ايتا كەتەلىك, تالاپتاردى بۇزعان تاراپتار اكىمشىلىك جاۋاپ­­كەر­شىلىككە تارتىلىپ, 37 ملن تەڭگ­ەگە جۋىق ايىپپۇل سالىندى.