ەلوردانىڭ كاسىپكەرلىك سۋبەكتىلەرىنە شەكتەۋ شارالارىن بۇزعانى ءۇشىن 40 ملن تەڭگەدەن استام سوماعا 200-دەن اسا ايىپپۇل سالىندى. بۇل — وسى جىلدىڭ باسىنان 16 ساۋىرگە دەيىنگى ارالاۋ بارىسىندا قولدانىلعان شارا. مۇنداي جازاعا قاراماستان ءبىراز مەكەمە جۇرتشىلىققا قاۋىپ ءتوندىرىپ, كارانتين شارالارىن بۇزۋدى ءالى دە جالعاستىرىپ كەلەدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ەلوردانىڭ مونيتورينگتىك توپتارى كۇشەيتىلگەن رەجيمدە جۇمىسىن جالعاستىرىپ كەلەدى.
وسى جىلدىڭ 18 ساۋىرىندە كەشكى ارالاۋ بارىسىندا ەسىل اۋدانىنداعى «Chechil Pub» بارىنىڭ جۇمىس ءتارتىبىن بۇزعانى انىقتالدى. سونىمەن قاتار, تىيىم سالىنعانىنا قاراماستان كەلۋشىلەرگە كاليان قىزمەتى دە كورسەتىلگەن.
سول سياقتى سارىارقا اۋدانىنداعى «پاناەحالي», «بازيليك» كافەلەرى, «كاريما» ءدامدى پالاۋ ورتالىعى, الماتى اۋدانىنداعى «Lotomatic» كافەسى, بايقوڭىر اۋدانىنداعى «مانگال» كافەسى جانە «12 اي» قۇرىلىس دۇكەنى بەلگىلەنگەن جۇمىس رەجيمىن بۇزدى.
اتالمىش نىسانداردىڭ بارىنە كارانتين رەجيمىن بۇزعانى ءۇشىن شۇعىل حابارلامالار جاسالدى. ءتارتىپ بۇزۋشىلارعا قاتىستى اكىمشىلىك شارالار قولدانىلادى.
2021 جىلدىڭ 1 قاڭتارىنان 16 ساۋىرىنە دەيىن اۋداندىق پوليتسيا باسقارمالارىنان باس-اياعى 550 ماتەريال كەلىپ ءتۇستى, ونىڭ ىشىندە 40 ملن تەڭگەدەن سوماسىنا 200-دەن اسا اكىمشىلىك ايىپپۇل قارالىپ, سالىندى. ال 35 ملن تەڭگەدەن اسا سوماعا 130-عا جۋىق ايىپپۇل قىسقارتىلعان تارتىپپەن تولەندى.
مونيتورينگتىك توپتار كۇن سايىن 200-دەن استام كاسىپكەرلىك وبەكتىلەرىن ارالاۋدى جۇزەگە اسىرادى. كارانتيندىك شەكتەۋ شارالارى ساقتالمايتىن 5-تەن 20-عا دەيىنگى نىسان انىقتالادى.
«قازىرگى ۋاقىتتا مەملەكەتتىڭ شاعىن جانە ورتا بيزنەستى قولداۋى ءۇشىن جۇرگىزىپ جاتقان شارالارىنا قاراماستان كاسىپكەرلىك سۋبەكتىلەرى قازاقستان رەسپۋبليكاسى زاڭناماسىنىڭ تالاپتارىن جۇيەلى بۇزىپ كەلەدى. بۇل ءوز كەزەگىندە تىيىمداردى بۇزعانى ءۇشىن جازا قولدانىلمايدى, قازاقستان رەسپۋبليكاسى زاڭنامالارىن اتتاپ وتۋگە بولادى دەگەن ويدى مەڭزەيدى. ال شىنتۋايتىندا كوروناۆيرۋس ينفەكتسياسىنىڭ بەلەڭ الۋىنا الىپ كەلدى», — دەپ اتاپ ءوتتى ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا.