پارلامەنت سەناتىنىڭ بيۋرو مۇشەلەرى اعىمداعى جىلدىڭ 22 ساۋىرىندە وتەتىن پالاتا وتىرىسىنىڭ كۇن ءتارتىبىن بەكىتتى. وسىلايشا, دەپۋتاتتار قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى ادامداردى ۇستاپ بەرۋ تۋرالى شارتتى راتيفيكاتسيالاۋ بويىنشا زاڭ جوباسىن قارايدى, دەپ حابارلايدى Egemen.kz.
وتىرىستىڭ كۇن تارتىبىنە قازاقستان مەن سولتۇستىك ماكەدونيا اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى زاڭ جوباسى دا ەنگىزىلدى. ونىڭ قابىلدانۋى قىلمىستىق ىستەر بويىنشا ءوزارا قۇقىقتىق كومەك كورسەتۋ ءتارتىبىن بەلگىلەۋگە, سونداي-اق ەكى ەل اراسىنداعى قىلمىسقا قارسى كۇرەس سالاسىنداعى ءوزارا ءىس-قيمىلدى ارتتىرۋعا مۇمكىندىك بەرەدى.
سونداي-اق سەنات وتىرىسىندا دەپۋتاتتار «قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسىن قارايدى. بۇل شارتتا قۇزىرەتتى ورگانداردىڭ ءوزارا ءىس-قيمىل جاساۋ ءتارتىبى, سۇراۋ سالۋدىڭ شارتتارى, نىسانى مەن مازمۇنى, اقپارات الماسۋ, سوتتالعان ادامنىڭ ءترانزيتى جانە سوتتالعان ادامدى بەرۋگە بايلانىستى تۋىنداعان شىعىندارعا بايلانىستى نورمالار كوزدەلگەن.
سونىمەن قاتار, بيۋرو مۇشەلەرى ماجىلىستەن كەلىپ تۇسكەن بىرقاتار زاڭ جوبالارىن تۇراقتى كوميتەتتەر اراسىندا ءبولدى.