بۇل تۋرالى Egemen.kz alau.kz سايتىنا سىلتەمە جاساپ حابارلايدى.
جەرگىلىكتى تۇرعىندار مۇنداي قۇبىلىستى بۇرىن-سوڭدى كورمەگەنىن ايتادى. ءىرى پىشىندەگى مۇز سىنىقتارىنىڭ تاسجولدىڭ بەتىن جاۋىپ, جىلجىپ بارا جاتقانى تۇسىرىلگەن ۆيدەو ينتەرنەتتە جاريالاندى.
قوستاناي وبلىسىنىڭ جولاۋشىلار كولىگى جانە اۆتوموبيل جولدارى باسقارماسى سارىكول اۋدانىنداعى رەسپۋبليكالىق ماڭىزى بار تاسجولداعى جاعدايعا تۇسىنىكتەمە بەردى.
«18 ساۋىردەن باستاپ سارىكول اۋدانىنداعى جول قوزعالىسى جابىق. ناقتىراق ايتقاندا سارىكول اۋدانىنداعى سەۆاستوپول اۋىلى ماڭىنان وتەتىن رەسپۋبليكالىق ماڭىزى بار جول. مۇزدى بلوك جولدى شامامەن 500 مەترگە دەيىن جاۋىپ تاستاعان. بيىكتىگى 5 مەترگە دەيىن جەتەدى. بۇل – تابيعي قۇبىلىس. مۇنىڭ ءبارى قاتتى جەلدىڭ سالدارىنان بولدى», دەيدى جولاۋشىلار كولىگى باسقارماسىنىڭ باسشىسى ولجاس نۇرعاليەۆ.