جەكسەنبىدە فۋتبولدان قازاقستان چەمپيوناتىنىڭ التىنشى تۋرىنداعى العاشقى ءۇش كەزدەسۋ ءوتتى. بۇل باسەكەلەر نۇر-سۇلتان, تاراز جانە قىزىلوردا قالالارىندا ۇيىمداستىرىلدى, دەپ حابارلايدى Egemen.kz.
«استانا» پەتروپاۆلدىڭ «قىزىل-جار» كلۋبىن قابىلدادى. باسەكە باستالعان بەتتە ابزال بەيسەبەكوۆ ەسەپ اشتى. ونىڭ 25 مەتردەي قاشىقتىقتان تەپكەن دوبىنا قاقپاشى توسقاۋل قويا المادى. 40-مينۋتتا الىبەك قاسىم تارازى باسىن تەڭەستىردى. بۇل جاعدايدىڭ الاڭ يەلەرىن قاناعاتتاندىرماعانى انىق. ۇزىلىستەن كەيىن ولار قارقىنىن كۇرت كۇشەيتتى. 65-مينۋتتا مارين توماسوۆ ەلوردالىقتاردى العا شىعارسا, ارادا ەكى مينۋت وتكەننەن سوڭ ەبونگ ءۇشىنشى گولدى سوقتى – 3:1. ودان كەيىن تابلوداعى ەسەپ وزگەرگەن جوق. وسى جەڭىستەن كەيىن «استانا» جارىس كەستەسىندە قايتا ءبىرىنشى ورىنعا كوتەرىلدى.
«تاراز» ورالدىڭ «اقجايىعىن» 1:0 ەسەبىمەن ۇتتى. بۇل ماتچتا سوعىلعان جالعىز دوپتىڭ اۆتورى – پەدرو ەۋجەنيو. ول ەكىنشى تايم باستالعان بەتتە قوناقتار قاقپاسىنىڭ كىلتىن تاپتى.
قىزىلوردانىڭ «قايسارى» مەن «اتىراۋ» اراسىنداعى كەزدەسۋدىڭ 4-مينۋتىندا كاروليس لاۋكجەميس الاڭ يەلەرىن العا شىعاردى. بۇل ەسەپ ۇزاققا دەيىن ساقتالدى. ويىننىڭ اياقتالۋىنا جەتى مينۋت قالعاندا دميتري گۋز قارىمتا قايىردى – 1:1.
كەشە تاعى ءتورت كەزدەسۋ ءوتتى. بۇل ماتچتاردا «جەتىسۋ» مەن «ورداباسى», «اقتوبە» مەن «شاحتەر», «قايرات» پەن «توبىل» جانە «تۇران» مەن «كاسپي» كلۋبتارى شەبەرلىك بايقاستى.