حورۆاتياداعى سپليت 2 چەللەندجدەر ءتۋرنيرىنىڭ جۇپتىق باسەكەسىنە قاتىسقان قازاقستاندىق تەننيسشىلەر – الەكساندر نەدوۆەسوۆ پەن اندرەي گولۋبەۆ اتالعان جارىستىڭ فينالىنا شىعا المادى.
قازاقستاندىق جۇپ شيرەك فينالدا چەحيالىق سپورتشىلار زدەنەك كولار مەن لۋكاش روسولمەن شەبەرلىك بايقاسىپ, 1 ساعات 19 مينۋتقا سوزىلعان باسەكەدە 6:3, 3:6, 10:8 ناتيجەسىمەن جارتىلاي فينالعا جولداما العان ەدى. فينال جولداماسىن پولشا وكىلدەرى شيمون ۆالكوۆ پەن يان زەلينسكيمەن ساراپقا سالعان وتانداستارىمىز, وكىنىشكە قاراي, قارسىلاستارىنا 6:3, 7:6 ناتيجەسىمەن ەكى سەتتە جول بەرىپ, فينالدان قۇر قالدى. قازاقستاندىق تەننيسشىلەر بۇعان دەيىن ءدال وسى جۇپتى وزگە جارىستىڭ فينالىندا جەڭگەن ەدى. حورۆاتياداعى بايراقتى باسەكەنىڭ جارتىلاي فينالىندا جەرلەستەرىمىزدى جەڭگەن ش.ۆالكوۆ پەن يا.زەلينسكي تۋرنيردە توپ جاردى.