ۇبت تاپسىرۋعا ءوتىنىم قابىلداۋ باستالدى

ءوتىنىمدى قابىلداۋ app.testcenter.kz سايتىندا 15 ءساۋىر ساعات 17.00-دە باستالدى جانە بوس ورىندار اياقتالعانعا دەيىن جالعاسادى. تىركەلۋ كەزىندە ۇبت تاپسىراتىن كۇندى, ۋاقىتىن جانە وتەتىن ورنىن ءوز ەركىمەن تاڭداۋعا بولادى. 15 ساۋىردەن باستاپ ۇبت تاپسىرۋ ءۇشىن ءبىرىنشى مۇمكىندىكتىڭ داتاسىن, ال 1 مامىردان باستاپ ەكىنشى مۇمكىندىكتىڭ داتاسىن تاڭداۋ مۇمكىندىگى بار.

تەستىلەۋدىڭ ءوزى 25 ءساۋىر - 30 ماۋسىم ارالىعىندا وتەدى. اتالعان كەزەڭدە ۇبت-عا 2 رەت قاتىسۋعا بولادى جانە جيناعان ەڭ جوعارى بالمەن ءبىلىم بەرۋ گرانتىن تاعايىنداۋ كونكۋرسىنا تۇسۋگە بولادى. بيىلعى - 2021 جىلدىڭ مەكتەپ تۇلەكتەرى ۇبت-عا تەگىن قاتىسادى.