قازاقستان مەن اۋستراليا سىرتقى ساياسي ۆەدومستۆولارى ۆيدەوكونفەرەنتس فورماتىندا ساياسي كونسۋلتاتسيا وتكىزدى, دەپ حابارلايدى Egemen.kz.
ءىس-شارا بارىسىندا قازاقستان سىرتقى ىستەر مينيسترلىگى ازيا-تىنىق مۇحيت ءوڭىرى دەپارتامەنتىنىڭ ديرەكتورى نۇرعالي ارىستانوۆ جانە اۋستراليا سىرتقى ىستەر جانە ساۋدا مينيسترلىگى حاتشىسىنىڭ ءبىرىنشى ورىنباسارى گەري كوۋان ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتى ودان ءارى دامىتۋدىڭ اعىمداعى جاعدايى مەن كەلەشەگىن تالقىلادى.
تاراپتار ەكىجاقتى جانە كوپجاقتى فورماتتاعى ىنتىماقتاستىقتى ودان ءارى كەڭەيتۋ جانە تەرەڭدەتۋ, سونداي-اق ساياسي ديالوگتى, ساۋدا-ەكونوميكالىق قاتىنىستاردى نىعايتۋ, ينۆەستيتسيالىق ىنتىماقتاستىقتى ارتتىرۋ بويىنشا ناقتى قادامدار قابىلداۋدىڭ ماڭىزدىلىعىن اتاپ ءوتتى.