اقپارات جانە قوعامدىق دامۋ ءمينيسترى ايدا بالاەۆا ىندەتكە قارسى ۆاكتسينانى سالدىردى. بۇل تۋرالى مينيستر «بالاەۆاعا 3 سۇراق» باعدارلاماسىندا مالىمدەدى, دەپ حابارلايدى Egemen.kz
«قازىر كوڭىل كۇيىم كوتەرىڭكى, جاقسى. دەنساۋلىعىما ەشقانداي اسەرىن تيگىزگەن جوق. ينەنى سالعان كەزدە اۋىراتىنى بار, ءسال اۋىرسىنۋ بولدى. مەديتسينا قىزمەتكەرلەرىنەن جالپى نۇسقاۋلىق سۇراپ الدىم. 2-3 كۇن دەنساۋلىعىمدى كۇتىپ, سۋىققا شىقپاي, ماسكا كيىپ ءجۇرۋ سىندى ساقتىق شارالارىن ورىندايتىن بولامىن. ەندى 21 كۇننەن كەيىن ەكىنشى كومپونەنتىن الامىن», دەدى مينيستر.
سونىمەن قاتار ايدا بالاەۆا «سپۋتنيك V» ۆاكتسيناسىن العانىن اتاپ ءوتتى.
«قازاقستاندىق ۆاكتسينا سىناقتىڭ ءۇشىنشى ساتىسىنان ءوتىپ جاتقانى بەلگىلى. ونى كۇتپەۋ ءۇشىن بۇگىن رەسەيلىك سپۋتنيك V ۆاكتسيناسىن سالدىردىم», دەدى ايدا بالاەۆا.
اقپارات ءمينيسترىنىڭ اتاپ وتۋىنشە, ءار ادام ءوزىنىڭ ازاماتتىق جاۋاپكەرشىلىگىن سەزىنە ءبىلۋى كەرەك. ويتكەنى بۇل ونىڭ عانا دەنساۋلىعىنىڭ ەمەس بۇكىل قوعامنىڭ قاۋىپسىزدىگى.
«تاريحي تاجىريبە كورسەتىپ وتىرعانداي, ۆاكتسيناتسيا – ۆيرۋستى جەڭۋدىڭ جالعىز جولى. ۆاكتسينا سالدىرعاننان كەيىن دە قاۋىپسىزدىك ءىس-شارالارىن ەشكىم دە وزگەرتىپ جىبەرمەگەنى تۇسىنىكتى. قالىپتى ومىرگە ورالۋىمىز, بالالارىمىزدى مەكتەپكە جىبەرە الۋىمىز, جاقىندارىمىزبەن كەزدەسىپ, وتباسىلىق, سونىمەن قاتار مەملەكەتتىك دەڭگەيدەگى ءىس-شارالاردى وتكىزۋىمىز ءۇشىن ۇجىمدىق يممۋنيەتتىڭ قالىپتاسۋى وتە ماڭىزدى», دەدى مينيستر.