بۇگىنگە دەيىن الەمدەگى تۇڭعىش عارىشكەر يۋري گاگارين وتىرعان ۇشاق اپاتىنىڭ سەبەبى بەلگىسىز بولىپ كەلەدى. دەسە دە ونىڭ ۇشاعى مەتەورولوگيالىق شارمەن سوقتىعىسۋى مۇمكىن. بۇل تۋرالى ريا نوۆوستيگە ەكى مارتە كەڭەس وداعىنىڭ باتىرى, العاشقى عارىشكەرلەر كورپۋسىنىڭ سوڭعى ءتىرى مۇشەسى بوريس ۆولىنوۆ ايتتى, دەپ حابارلايدى Egemen.kz.
- ايتۋ قيىن. ەشتەڭە انىق ەمەس. كوپتەگەن نۇسقالار بار, ولاردىڭ قايسىسى دۇرىس ەكەنىن ءبىلۋ مۇمكىن ەمەس. نۇسقالاردىڭ ءبىرى – مىسالى, سولدات ۇشۋ كەزەڭىندە جەلدىڭ ەكپىنىن انىقتاۋ ءۇشىن مەتەورولوگيالىق پيلوتتىق اۋە شارىن ۇشىرۋى مۇمكىن. بۇل سالماعى شامامەن كيلوگرامم بولاتىن قۇرىلعى. ەگەر ۇشاق ونىمەن ۇلكەن جىلدامدىقتا اڭداماي سوقتىعىسسا, سونىڭ ءوزى جەتىپ جاتىر... سونىمەن بىرگە جوعارى جىلدامدىقپەن ۇشقان كەزدە دوپتىڭ ءوزىن الدىن-الا بايقاپ ۇلگەرمەيتىنىڭىز ءسوزسىز, - دەدى بوريس ۆولىنوۆ. ايتا كەتەيىك, بوريس ۆولىنوۆ قايعىلى جاعدايدىڭ سەبەپتەرىن تەرگەۋ جونىندەگى كوميسسيانىڭ مۇشەسى بولعان. جەردىڭ العاشقى عارىشكەرى يۋري گاگارين 1968 جىلى 27 ناۋرىزدا ۆلاديمير وبلىسى, كيرجاچ اۋدانى, نوۆوسەلوۆو اۋىلىنىڭ ماڭىندا ميگ-15ۋتي وقۋ-جاتتىعۋ رەيسى كەزىندە قايتىس بولعان. گاگارينمەن بىرگە ۇشقىش-نۇسقاۋشى, پولك كومانديرى ۆلاديمير سەرەگين دە قازا تاپتى. اۋە اپاتىنىڭ سەبەبى ءالى انىقتالعان جوق.