بۇگىن بۇۇ-نىڭ ورتالىق ازياداعى ەسىرتكى جانە قىلمىس جونىندەگى باسقارماسىنىڭ تۇراقتى وكىلى اشيتا ميتتالدىڭ باستاماسىمەن سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆپەن ونلاين كەزدەسۋ ءوتتى. اڭگىمەلەسۋ بارىسىندا تاراپتار پىكىر الماسىپ, بىرلەسكەن قىزمەتتىڭ ودان ارعى قادامدارىن تالقىلادى, دەپ حابارلايدى Egemen.kz.
سىبايلاس جەمقورلىققا قارسى ۆەدومستۆو باسشىسى ەلىمىزدە جۇرگىزىلىپ جاتقان كەشەندى رەفورمالارعا نازار اۋدارىپ, ساياسي جاڭعىرتۋدىڭ ماڭىزدىلىعىن, سونداي-اق حالىقارالىق ستاندارتتار پريزماسى ارقىلى ىسكە اسىرىلعان جانە جوسپارلانعان زاڭنامالىق باستامالاردى اتاپ ءوتتى.
اليك شپەكباەۆ سىبايلاس جەمقورلىققا قارسى ستراتەگيانى ىسكە اسىرۋ بارىسى تۋرالى حابارلادى. سپيكەر 6 باعىتتى ەگجەي-تەگجەيلى ءتۇسىندىردى: مەملەكەتتىك ورگانداردىڭ ترانسپارەنتتىلىگى مەن اشىقتىعىن ارتتىرۋ, ونىڭ ىشىندە مەملەكەتتىك قىزمەتتەردى تسيفرلاندىرۋدى ەسكەرە وتىرىپ; سىبايلاس جەمقورلىقتىڭ سەبەپتەرى مەن ءمان-جايلارىن جويۋ; مەملەكەتتىك قىزمەتشىلەردىڭ ەتيكالىق مىنەز-قۇلقىن نىعايتۋ; سىبايلاس جەمقورلىققا قارسى اعارتۋ; ازاماتتىق قوعامدى تارتۋ جانە جازانىڭ بۇلتارتپاۋ قاعيداتىنا نەگىزدەلگەن قىلمىستىق-قۇقىقتىق شارالار.
شەتەلدىك ارىپتەستەر اگەنتتىكتىڭ قىزمەتىنە جوعارى باعا بەردى. اشيتا ميتتال حانىم: «قازاقستاننىڭ بۇۇ ەقب باستامالارىن جانە بۇۇ-نىڭ سىبايلاس جەمقورلىققا قارسى كونۆەنتسياسىنا شولۋ تەتىگىن ىسكە اسىرۋدا كورسەتكەن قولداۋى ءۇشىن العىسىمىزدى بىلدىرەمىز. ءبىز ورتالىق ازيا مەن كاۆكاز وڭىرىندە باعدار بولۋى ءتيىس سىبايلاس جەمقورلىققا قارسى ۆەدومستۆو جۇمىسىنىڭ وڭ ناتيجەلەرىن كورىپ وتىرمىز. سىزدەرگە بۇۇ باس اسسامبلەياسىنىڭ نيۋ-يورك, اقش-تاعى سىبايلاس جەمقورلىققا قارسى كۇرەس جونىندەگى ارنايى سەسسياسى اياسىندا قازاقستاندىق تاجىريبەنى تانىستىرۋدى ۇسىنامىز».
ۆەناداعى بۇۇ ەقب شتاب-پاتەرىنىڭ وكىلى, اۆستريا ۆەندي و' برايەن حانىم دا بىرلەسكەن كۇش-جىگەردى ودان ءارى نىعايتۋعا ءۇمىت ءبىلدىردى. سۇحباتتاسۋشى: ء«بىز اگەنتتىكتىڭ قۇقىق قورعاۋ ورگاندارىن رەفورمالاۋعا قوسقان ۇلەسىن باعالايمىز. اتاپ ايتقاندا, سەرۆيستىك پوليتسيانى قالىپتاستىرۋ, اشىقتىقتى ارتتىرۋ جانە ىشكى ىستەر ورگاندارىنداعى قاتارلاردىڭ تازالىعىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى ءسوز ەتىپ وتىرمىز. اگەنتتىكپەن جۇمىس بۇۇ ەقب جانە ءىىم جاڭا جوباسى اياسىندا وتە وزەكتى», دەپ اتاپ ءوتتى.
- قازاقستاننىڭ مەملەكەتتىك قىزمەتتەردى تسيفرلاندىرۋ بويىنشا جۇرگىزگەن, اشىقتىقتى ارتتىراتىن جانە تۇرمىستىق سىبايلاس جەمقورلىقتى تومەندەتەتىن جۇمىسى تاڭعالارلىق. ءبىز ازاماتتىق قوعام مەن بيزنەس-سەكتوردى سىبايلاس جەمقورلىقتىڭ الدىن الۋ ماسەلەلەرىنە تارتۋدى دا ەرەكشە اتاپ وتەمىز, - دەدى ورتالىق ازياداعى بۇۇ ەقب حالىقارالىق باعدارلامالار مەنەدجەرى كۋن ماكۆەرينگ.
تاراپتار ءوزارا قولداۋ كورسەتۋگە دايىن ەكەندىكتەرىن بىلدىرە وتىرىپ, جوعارىدا كورسەتىلگەن باعىتتاردا ءوزارا ءىس-قيمىلدى نىعايتۋعا كەلىستى. تاياۋدا وڭىردەگى وزىق تاجىريبەلەر بويىنشا ساراپتامالىق جۇمىس توبى قۇرىلادى.