شامالعاندا 57 جاستاعى تۇرعىننىڭ ءمايىتى ءوز ۇيىنەن تابىلدى, دەپ حابارلايدى Egemen.kz الماتى وبلىستىق پوليتسيا دەپارتامەنتىنىڭ باستىعى سەرىك كۇدەباەۆ تاراتقان حابارعا سىلتەمە جاساپ.
وقيعا 4 ساۋىردە بولعان. شامالعان ستانتسياسىنىڭ 57 جاستاعى تۇرعىنىنىڭ ءمايىتى ءوز ۇيىنەن جۇرەك تۇسىنا پىشاق سۇعىلعان كۇيىندە تابىلدى.
«وقيعا ورنىنا كەلگەن جەدەل-تەرگەۋ توبى ەر ادامعا 54 جاستاعى ايەلىنىڭ پىشاق سۇققانىن انىقتادى. سونىمەن قاتار ەر ادامنىڭ بۇعان دەيىن بىرنەشە رەت ايەلىن ۇرىپ-سوققانى بەلگىلى بولدى. بۇل جولى دا ەر ادام ماس كۇيىندە قولىنا اس ءۇي پىشاعىن الىپ, ايەلىن وياتقان. ونى ۇرىپ, بۋىندىرا باستاعان. امالى قالماعان ايەل پىشاقتى ج ۇلىپ الىپ, ەر ادامنىڭ كەۋدە تۇسىنا سۇققان», دەپ جازدى Facebook-تە وبلىستىق پوليتسيا دەپارتامەنتىنىڭ باستىعى سەرىك كۇدەباەۆ.كۇدىكتى قىلمىستىق-پروتسەستىك كودەكستىڭ 128-بابى (ۇستاپ الۋ نەگىزدەرى) بويىنشا بۇلتارتپاۋ شاراسىن تاڭداۋ تۋرالى ماسەلە شەشىلگەنگە دەيىن ۋاقىتشا ۇستاۋ يزولياتورىندا بولادى.