مەملەكەت تاۋەلسىزدىك جىلدارىندا بيزنەستى قولداۋ بويىنشا كەشەندى شارالاردى جۇزەگە اسىردى. بۇل تۋرالى Business Integrity Forum بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا.شپەكباەۆ بيزنەستى قولداۋ بويىنشا مەملەكەت جۇزەگە اسىرعان شارالار تۋرالى ايتىپ بەردى, دەپ حابارلايدى Egemen.kz
ونىڭ ايتۋىنشا, بيزنەس پەن ينۆەستورلاردىڭ مۇددەلەرىن قورعاۋدىڭ ۇيىمدىق قۇرىلىمى شەتەلدىك ينۆەستورلار مەن ۇلتتىق ينۆەستورلار كەڭەسىنەن, «استانا» حالىقارالىق قارجى ورتالىعىنان تۇرادى. سونداي-اق كاسىپكەرلەردىڭ قۇقىقتارىن قورعاۋ جونىندەگى ۋاكىل ينستيتۋتى, «اتامەكەن» ۇكپ جانە «Kazakh Invest» ۇلتتىق كومپانياسى جۇمىس ىستەيدى.
«حالىقارالىق ستاندارتتاردى ەسكەرە وتىرىپ, سىبايلاس جەمقورلىققا قارسى زاڭنامالىق باستامالاردىڭ ءۇش توپتاماسى قابىلدانىپ, ءتورتىنشىسى پىسىقتالىپ جاتىر. جالپى العاندا, مەملەكەت حالىقارالىق تاجىريبە كونتەكسىندە كاسىپكەرلەر مەن ازاماتتاردىڭ قۇقىقتارىن قورعاۋ ءۇشىن قاجەتتى جاعدايلار جاساۋدى جالعاستىرادى», دەدى ا.شپەكباەۆ.
سونىمەن قاتار ول ىسكە اسىرىلىپ جاتقان باعدارلامالار مەن بيزنەستى قولداۋ جوبالارى تۋرالى ايتىپ بەردى. ونىڭ پىكىرىنشە, بۇل شارالار كەشەنى ەلىمىزگە 350 ملرد اقش دوللارىنا جۋىق تىكەلەي شەتەلدىك ينۆەستيتسيا تارتۋعا مۇمكىندىك بەردى.