فۋتزالدان قازاقستاننىڭ ۇلتتىق قۇراماسى 2022 جىلى نيدەرلاندتىڭ امستەردام جانە گرونينگەن قالالارىندا وتەتىن الەم چەمپيوناتىنىڭ جولداماسىنا يەلىك ەتتى.
شەشۋشى باسەكەنى جەرلەستەرىمىز سىرت الاڭدا وتكىزدى. سوعان قاراماستان ماجارستان قۇراماسىنىڭ تاس-تالقانىن شىعاردىق. ءبىرىنشى كەزەڭدە شىڭعىس ەسەنامانوۆ, ازات ۆاليۋللين جانە تاينان قارسىلاستار قاقپاسىن ءدال كوزدەسە, يمرە نود اۆتوگولدىڭ اۆتورى اتاندى. ۇزىلىستەن كەيىن دە كاكا جەتەكشىلىك ەتكەن كوماندا ءوز قارقىنىن باسەڭدەتكەن جوق. ءبىزدىڭ جىگىتتەر تاعى ەكى مارتە نىسانانى ءدال كوزدەدى. بۇل گولداردى دۋگلاس جۋنيور پەن البەرت اكباليكوۆ سوقتى. الاڭ يەلەرى ءبىر عانا دوپپەن جاۋاپ قايىردى.
ءسويتىپ, بۋداپەشتە وتكەن باسەكەدە 6:1 ەسەبىمەن جەڭىسكە جەتكەن قازاقستان قۇراماسى ءتورت كەزدەسۋدەن كەيىن 12 ۇپاي جيىپ, ءوز توبىندا ءبىرىنشى ورىن الدى. وسى جەڭىستىڭ ارقاسىندا وتانداستارىمىز «ەۆرو-2022» دوداسىنىڭ جولداماسىنا يەلىك ەتتى.